WOOŊSṖE 17

Kola Yagluha Yaciŋ Haŋtaŋ, Ṫak̇omni Nitakola Kte

Okolak̇iciye kiŋ hutkaŋ caŋteyakiciyapi. Jehowa etkiya lila waoŋspe niciyeki, iyotaŋhaŋ caŋteyakiŋyin kte. Wakaŋtaŋk̇a etkiya caŋteyakiŋyin he inicagapi iyecel, niye ṫak̇u ciŋpi oyakiye hena nakuŋ inicagapi kte. Jesus Messiya iyopaṡtaka waoŋspewicak̇iya he niwaŋgi oyakihi. (Mattheos 28:19) Ṫiwahe oiyokipiyauŋpi cajeyata Jehowa Tawayaotaŋiŋpi he oyapa kiŋ, Wakaŋtaŋk̇a takolak̇iciye tohaŋciŋka slolyaye oyakihi. Tok̇el ecanu?

Takomni Wakaŋtaŋk̇a etkiya caŋtewicakiya he yakipazo na tawoope hena ogna yauŋki. “Wakantanka waśtedakapi kin he dee, tawoahope kin tanyan ounpapi kin he; unkan tawoahope kin wośitkihda śni.”​—1 Johaŋnes 5:3.

Taku oŋnispe hena ecanu kte. Jesus woyake yutaŋiŋyaŋ le oyake. Wicaṡa ksapa tipi waŋ inyaŋ akaŋ k̇aġe. Wicaṡa waciŋtoŋṡni tipi waŋ casmu akaŋ k̇aġe. Oṡiceca taŋka waŋ hina, tipi waŋ iŋyaŋ akaŋ k̇aġapi he hiŋḣpaye ṡni, tuka tipi waŋ casmu akaŋ k̇aġapi he hiŋḣpaye ihangyapi taŋka. Jesus heye tawooŋspe tona naḣoŋ na ecoŋpi hena wicaṡa ksapa iŋyaŋ akaŋ tipi k̇aġa he iyececa. Tuka tona tawooŋspe naḣoŋ na ecoŋpi ṡni hena wicaṡa waciŋtoŋṡni waŋ casmu akaŋ tipi k̇aġa he iyececa. Wicaṡa he tukte uŋmaŋ niye yaciŋhe?​—Mattheos 7:24-27.

Yuwak̇aŋpi. Le ṫak̇u kapi he Jehowa etkiya waceyakiyiŋ na tawaciŋ tawa tohaŋciŋka ecanu yaciŋ oyakiyakiŋ kte. Wakaŋtaŋk̇a tawaciŋ tawa ecanu heoŋ pazo otaniŋ Jesus Messiya waoŋspewicakiyapi he niwaŋgi kiŋ.​—Mattheos 11:29.

Baptem. “Baptem nicupi kta, Itancan caje kin hoyeyakiye kta, hecen wayaḣtani kin yakpakinte kta ce, eya.”​—Oḣaŋyaŋpi Qon 22:16.

Wakaŋtaŋk̇a etkiya ojula wowilagiciya. “Taku ecanonpi kin owasin nicantepi kin eciyatanhan econ po, Itancan kin on etanhan, qa wicaśta kin on etanhan śni.”​—Kolosse 3:23.