2 Tungkori

26 Ka a Gyuuda noba zaa da kaa iri Uzaaya, o da nyɛ la yuomo 16, a vɛŋ oŋ e naa o saa Amazaaya gbɛbɔgriŋ. 2 O da leɛ mɛ la Elɔf a vɛŋ oŋ leɛ Gyuuda soobu saŋa na a naa naŋ wa kpi baŋ uumuu na. 3 Uzaaya da nyɛɛ yuomo 16 saŋa na oŋ wa leɛ naa na, yuomo 52 oŋ da de di naaŋ Gyɛruzɛlɛm poɔŋ. O ma yuori da la Gyɛkolaiya, Gyɛruzɛlɛm oŋ da yi. 4 O da moɔ̃ la niŋe a erɛ yɛlɛ naŋ tori Jehoova nimieŋ, aŋa lɛ na o saa Amazaaya naŋ da e na. 5 O da moɔ̃ la niŋe a boɔrɔ Naaŋmen Zekaraiya bebie na poɔŋ, Zekaraiya la da wuluu ka o zoro a yelmeŋɛ Naaŋmen. A yi saŋa na oŋ da boɔrɔ Jehoova na, a yelmeŋɛ Naaŋmen da vɛŋɛɛŋ ka o yɛlɛ nyɛrɛ nimitɔɔre gaabo.