Yieme
9 Wala ka bipɔlee na toɔ̃ e a vɛŋ ka o sori pɛgeyi? O na baŋ eɛ lɛ ka onaŋ kaara soŋ a de ho yelbiri tonɔ neŋ toma. 34 Soŋ ma ka N maŋ baŋ yɛlɛ pare soŋ zaa, ka lɛ vɛŋ ka N de ho bege na eŋ N sukyiri poɔŋ a de tonɔ neŋ toma. 63 N neŋ noba naŋ zoro bo na eɛ zɔmenne N neŋ noba naŋ tuuro ho yelbinnee meŋ eɛ zɔmenne. 97 Nyɛ lɛ N naŋ nɔŋ ho bege aseŋ! N maŋ teɛrɛɛ o yɛlɛ wagre zaa. 104 Ho yelsɛgree zuŋ, N maŋ erɛɛ yɛlɛ neŋ yɛlɛ muni wommu. A lɛ zuŋ maŋ kyiire zirii sori zaa. 105 Ho yelihoŋ waa ŋa fentena a ko N gbɛɛ, A kyɛ lɛ e kyaanee naŋ kyaana N sori. 128 Azuŋ, N maŋ de la ho wuluu zaa ka a eɛ yɛlɛ naŋ tori; N kyiiree zirii sori zaa. 163 N kyiiree zirii—N ba nɔŋ zirii fẽẽ zaa—N nɔŋ la ho bege na. 167 N taaɛ yɛlɛ na hoŋ maŋ leɛteɛre ma na, N nɔŋaaŋ yaga zaa.