Yieme

2 Bonso ka a paalonne noba enne kyirɛ lɛ Ka a noba yele yelkpala yoŋ? 2 A teŋɛzu namine na iri arɛɛŋ Ka a kpeɛ̃o deme lagre lantaa ne noɔreyeni Ana zɔɔ neŋ Jehoova ane neɛ oŋ sɔ naaloŋ kãã na. 3 Ba yeleŋ ka: “Yɛ vɛŋ ka te kɔɔre ba kuree banzɔlɔ na A de ba mie na lɔɔ bare!” 4 Neɛ naŋ zeŋ O nakogizuŋ sazuŋ na na la baŋ; Jehoova na e baŋ la. 5 Ana saŋa na, o na de la sutuloŋ yeli neŋ yɛlɛ ko ba A de o sutuloŋ na eŋ ba dabeɛ̃, 6 A yelka: “Maaŋ meŋɛ la biŋ N naa Zaayɔn zuŋ, N taŋ-forifori na.” 7 Vɛŋ ka N manne Jehoova bege na yɛlɛ; O yelko maŋ ka: “Ho eɛ N bidɔɔ; Zenɛ ŋa N eɛ ho saa. 8 Soore ma, N na de la a paalonne ko bo ka a e ho kyɛŋ A de a teŋɛzu baaraa zaa ko bo ka a e ho soobo. 9 Ho na de la ho kuri daŋgbale na ŋmore ba, Ho na ŋmore baŋ puropuro aŋa yage dugre.” 10 Azuŋ, yɛnee namine, yɛ wuli ka yɛ taaɛ yɛŋ naŋ e zuluŋ; Yɛ sage dɛnnoo, yɛnee a teŋɛzu sɛre-ŋmaareba. 11 Yɛ de dabeɛ̃ puoro neŋ Jehoova, Yɛ de eŋmĩĩ kyillɛ neŋ. 12 Yɛ eŋnɛ a bidɔɔ, ka lɛ naane Naaŋmen suuri na iri la Ka lɛ vɛŋ ka yɛ bɔre a soriŋ, Bonso o suuri na maŋ iree wieoŋ. Noba na zaa naŋ boɔrɔ lirizie o zieŋ taaɛ popeɛloŋ.