Yieme
36 Bege saammo naŋ be neŋfaa sukyiri poɔ meŋɛŋ la maŋ wulo o sori; Naaŋmen zoobu ba kye o nimieŋ. 2 O maŋ bɛnlɛɛ o meŋɛ yaga zaa o meŋɛ nimieŋ Azuŋ, o ba maŋ baŋ yelfaa na oŋ erɛ na ka lɛ na vɛŋ ka o kyiiri a yelfaa. 3 O noɔre yelbie maŋ eɛ potu-yɛlɛ ane bɛnlɛ yɛlɛ; O ba maŋ teɛrɛ yɛlɛ gɛrɛ tɔɔre ka lɛ na vɛŋ ka o erɛ yɛlɛ naŋ soma. 4 O maŋ teɛrɛɛ potu-yɛlɛ saŋa na oŋ gaŋ gado zuŋ gba. O maŋ de la o teɛroŋ eŋ sori naŋ ba soma poɔŋ; O ba maŋ zagre yelfaa bare. 6 Ho sontuubu waa ŋa tanne naŋ e bɛrɛ yaga; Ho sɛrɛɛ ŋmaabo yɛlɛ meŋ eɛ yaga aŋa koɔ̃ne naŋ e zuluŋ. Oo Jehoova hooŋ la kaara nensaaleba ane dunni zaa. 7 Oo Naaŋmen, nyɛ lɛ ho yelmeŋɛ nɔmmo naŋ e tegroŋ seŋ lɛ! Ho begɛ na dasuoloŋ poɔŋ ka nensaaleba maŋ zo bɔ lirizie. 9 Ho zie ka nyɔvore maŋ yi wa; Ho kyaanee la maŋ vɛŋ teŋ nyɛrɛ kyaanee.