Yieme

7 O bebie na poɔŋ, sontuuribo yɛlɛ na maaleŋ soŋ zaa. Maaroŋ na bebeŋ yaga zaa a te ta saŋa na kyuu naŋ koŋ lɛ bebe. 11 A namine zaaŋ na le teŋɛŋ a kyuli o nimitɔɔreŋ, Ka a paalonne noba zaa tonɔ koroo. 12 O na faa la nandaaneba naŋ kono boɔrɔ sommo na, O na deɛ la nembaalba meŋ ane noba na naŋ ba taa sonnɔ na. 13 O na zoe nembaalba ane nandaaneba nembao, O na faa la nandaaneba meŋ nyɔvoɛ. 14 O na deɛ baŋ yi dɔgrebo ane kpaŋkpaŋkpeɛ̃o toma poɔŋ, Ba zĩĩ na eɛ tegroŋ yaga o nimieŋ. 16 Bonbie na poreŋ yaga zaa a teŋganeŋ; A na be la a tanne zuri zaa a wa te sigi. O wɔmɔ na wɔŋeŋ aŋa a naŋ be Leebanoŋ, Noba naŋ be a teŋbɛrɛ pooreŋ meŋ na nyɛ la maaloo aŋa teŋgane moɔ naŋ maale.