Yieme
4 Te koŋ de a sɔgle ba biiri; Te na mannɛɛ a yɛlɛ ko dɔge-tutaa naŋ waana Jehoova yɛlɛ na oŋ e aŋ seŋ ka te pugoo ane o faŋa na yɛlɛ, Ane yelseɛlɛ na zaa oŋ e na. 5 O biŋee yelkaŋa naŋ maŋ leɛteɛrɛ noba Gyekɔb poɔŋ A biŋ bege Izerayɛl poɔŋ; O da ko la te sããkommine na noɔre Ka ba manne a yɛlɛ ama ko ba biiri, 6 Ka lɛ vɛŋ ka a dɔge-tutaa naŋ tɔnne na, A biiri na baŋ naŋ ba dɔge na baŋ a yɛlɛ ama. Ba meŋ pãã na leɛ mannaaŋ ko ba biiri. 7 Lɛ na vɛŋeŋ ka ba dɛle Naaŋmen. Ba koŋ inni Naaŋmen toma yɛlɛ Kyɛ ba na tuuree o bege na. 40 Gbɛɛ yaga ba da maŋ deɛ la taawae o eŋɛŋ a wɛgyɛŋ poɔŋ A da maŋ e yɛlɛ naŋ kpɛ o yaga a biiree ziiriŋ! 41 Ba da maŋ eɛ Naaŋmen nyɛ gbɛɛ yaga, A vɛŋ ka Neɛ Naŋ E Forifori Izerayɛl poɔŋ na poɔ sãã yaga.