Yeng Yelibie

9 Yɛŋ meŋɛ mɛ la o die; O maalɛɛ pilare ayɔpoi a emoo. 2 O maalɛɛ o nɛne velaa zaa; O de la o waiŋ lantaa; O maalɛɛ o tabule zu meŋ velaa zaa. 3 O toŋɛɛ o tontoŋ pɔgeba Ka ba gaa a teŋkpoŋ ziiri naŋ do na a te de kɔkɔkpeɛŋaa a yelka: 4 “Neɛzaa naŋ ba baŋ yɛlɛ yaga nimiri, vɛŋ ka o soba kpɛ wa kyɛ.” O yele korɛɛ neɛ na nimri naŋ ba yuo na ka: 5 “Wa ɔɔ N boroboro A kyɛ nyu a waiŋ na N naŋ de lantaa na. 6 Bare ho damboloŋ na a kyɛ toɔ̃ nyɛ nyɔvore; Kyɛnɛ gɛrɛ nimitɔɔre dendeŋ lɛ yɛlɛ muni wommu poɔŋ.” 13 Pɔge dambol maŋ gɔnɔŋ yaga zaa. O eɛ zu-gbuli soba naŋ ba baŋ bonzaa. 14 O maŋ zeŋɛɛ o die denoɔreŋ A zeŋ a teŋkpoŋ ziiri naŋ do na, 15 O maŋ boɔlɛɛ noba naŋ para wa gɛrɛ, A boɔlɔ noba na naŋ kyɛnɛ a soriŋ dendeŋ lɛ a gɛrɛ: 16 “Neɛzaa naŋ ba baŋ yɛlɛ yaga nimiri, vɛŋ ka o leɛ wa kyɛ.” Lɛ oŋ maŋ yelko noba na nimiri naŋ ba yuo na: 17 “Koɔ̃ne ba naŋ zu nomaŋ, Ka bondirii meŋ ba naŋ sɔgle di meŋ noma yaga.” 18 Kyɛ o ba baŋ ka noba naŋ ba taa faŋa kũũ poɔŋ la bebe, Ka noba na oŋ maŋ toŋboɔle na meŋ be Yaa zizuluŋ meŋɛ poɔŋ.