Daaniel

11 Beŋ la oŋ yelko ma ka: “Oo Daaniel, ho eɛ dɔɔ ba naŋ boɔrɔ ho yɛlɛ yaga zaa, mãã ho meŋɛ a kyɛlle woŋ a yelbie ŋa maŋ waana ka N yelko bo na. Iri are ho arezieŋ, bonso ba toŋ maŋ ho zie.” Saŋa na oŋ wa yeli ŋaaŋ ko ma na, N da iri arɛɛŋ kyɛ ka N eŋɛ zaa miine. 16 Neɛ na naŋ da waa ŋa dɔɔ na da tɔ la N nɔ-gbamɛ, maŋ da yuo N noɔre a yelko neɛ na naŋ da are N nimitɔɔreŋ na ka: “N daana, a yelnyɛ na maŋ nyɛ na vɛŋɛɛŋ ka N eŋɛ miine, N ba lɛ taa faŋa. 17 Azuŋ wala ka N daana toŋtonɔ neŋ N daana na toɔ̃ di dama? Bonso pampana ŋa N ba lɛ taa faŋa, vooroŋ zaa meŋ ba lɛ kye N eŋɛŋ.” 18 Neɛ na naŋ waa ŋa nensaalaa na da seene maŋ a kyɛ eŋ maŋ faŋa meŋ. 19 Beŋ la oŋ yelko ma ka: “Ta zoro dabeɛ̃, Oo dɔɔ naŋ e nanee yaga zaa. Emmaaroŋ be ho zieŋ. Eŋ faŋa, ɛɛ, eŋ faŋa.” Saŋa na oŋ da yele yɛlɛ korɔ ma na N da nyɛɛ faŋ-paalaa, azuŋ N da yelkooŋ ka: “Vɛŋ ka N daana yele yɛlɛ, bonso ho eŋ maŋ faŋa.”