Daaniel

17 Yɛlɛ a kaakaareba naŋ biŋ la ŋa, a yɛlɛ na ba naŋ biŋ na kyaarɛɛ a neŋforifori yelihoŋ, ka lɛ na vɛŋ ka neɛzaa naŋ voorɔ baŋ ka Neɛ naŋ do saa yaga zaa na la Naa nensaaleba zaa zuŋ, o maŋ de la a naaloŋ ko neɛzaa oŋ boɔrɔ, o maŋ kaa iree neɛ naŋ sigri o meŋɛ nensaaleba zaa poɔŋ oŋ e naa.” 20 “‘A teɛ na hoŋ nyɛ oŋ baa do yaga zaa a e kpeɛŋaa na, onaŋ do te ta sazu na, ka neɛzaa naŋ be a teŋɛzu nyɛroo na, 21 o vaareŋ veɛlɛ yaga zaa, a wɔŋ wɔmɔ yaga zaa, a korɔ bonvobɔ zaa bondirii na, o pareeŋ ka a wɛdonne zaa da maŋ gaŋ na, ka sazu nuule meŋ da maŋ kpeɛrɛ o danuureŋ na, 22 Oo naa, hooŋ la a teɛ, bonso ho leɛ la neŋkpoŋ a taa kpeɛ̃o yaga zaa, ka ho naaloŋ gyeremɛ meŋ do yaga zaa a te ta sazu, ka ho naaloŋ yɛre ta a tendaa zaa zu. 23 “‘A naa da nyɛɛ kaakaara kaŋa, neɛ kaŋa naŋ e forifori, a yi sazu sigre waana, a kyɛ yele ka: “Ŋmaa a teɛ lɔɔ a saamoo, kyɛ bare a da-kpiri ane a nyaga a teŋɛŋ, de kuribo ane yaawa a piroo, a vɛŋ ka o be a moɔ poɔŋ. Vɛŋ ka sazu meɛloŋ bu o, vɛŋ ka o neŋ a wɛdonne laŋ kpeɛrɛ a moɔ poɔ a te ta saŋa na wagre ayɔpoi naŋ na wa pare gaa.” 24 A yɛlɛ ŋa pare la ŋa, Oo naa; yɛlɛ na Neɛ naŋ do saa yaga zaa naŋ biŋ ko N daana naa la ŋa. 25 Ba na digi boŋ yi nensaaleba poɔŋ, ka ho te kpeɛrɛ neŋ wɛdonne moɔ poɔŋ, ho na ɔɔrɛɛ moɔ aŋa nadavaraa; ka sazu meɛloŋ bu ho eŋɛ, ka wagre ayɔpoi wa pare ho zuŋ, a te ta saŋa na hoŋ na baŋ ka Neɛ naŋ do saa yaga zaa la e Naa nensaaleba zaa zuŋ, o maŋ de oŋ ko neɛzaa o naŋ boɔrɔ. 26 “‘Kyɛ ba naŋ yelka ba bare a da-kpiri neŋ a nyaga na zuŋ, ba na leɛ de la a naaloŋ ko bo saŋa na hoŋ na wa baŋ ka sazu la so naaloŋ kpeɛ̃o. 29 Kyuuri pie neŋ ayi puoreŋ, o da kyɛnɛɛ a Baabilɔŋ nayiri peɛ zu. 30 A naa da yeleŋ ka: “Baabilɔŋ Kpoŋ naane ŋa, ona maŋ de N faŋa ane N kpeɛ̃o mɛ ka o e nayiri, ka N de wuli lɛ N naaloŋ gyeremɛ naŋ seŋ?” 31 Saŋa na a naa naŋ da naŋ yele a yɛlɛ ŋa na, kɔkɔre kaŋa da yi la sazuŋ a yelka: “Oo Naa Nebukadineezer, ba yeli ko boŋ ka, ‘A naaloŋ na yi la ho nuuriŋ, 32 ba digre boŋ yire nensaaleba poɔŋ. Ho neŋ wɛdonne na laŋ kpeɛrɛɛ moɔ poɔŋ, ho na ɔɔrɛɛ moɔ aŋa nadavaraa, ka wagre ayɔpoi a wa pare bo, a te ta saŋa na hoŋ na baŋ ka Neɛ naŋ do saa yaga zaa la Naa nensaaleba zaa zuŋ, o maŋ de oŋ ko neɛzaa o naŋ boɔrɔ.’” 33 A yi ana saŋa na a yelihoŋ ŋa da nyɛɛ eebo Nebukadineezer eŋɛŋ. Ba da digooŋ yi nensaaleba poɔŋ, oŋ da piili ɔɔrɔ moɔ aŋa nadavaraa, ka sazu meɛloŋ da bu o eŋgane, a te ta saŋa na o zukɔɔloŋ naŋ da e wogri aŋa tuu-kpoŋ kɔɔloŋ ka o nubi-pɛgre meŋ da waa ŋa nuulee gbɛbie. 34 “Saŋa na a wagre ayɔpoi naŋ da wa baare na, Maaŋ Nebukadineezer da gbol kaa la sazu, ka N yɛlɛ pare bammo leɛ wa N zie; maŋ da pugi Neɛ naŋ do saa yaga zaa na, Onaŋ bebe tegitegilɛ na, N da puguuŋ yaga zaa a koo gyeremɛ meŋ, bonso o naaloŋ kpeɛ̃o bebeŋ tegitegilɛ, ka o naaloŋ meŋ bebe a yi dɔge-tutaa kaŋa a gɛrɛ o tɔ. 35 Noba naŋ kpeɛrɛ a teŋɛzu ba e bonzaa o nimitɔɔreŋ, o maŋ erɛɛ yɛlɛ o naŋ boɔrɔ a sazu sogya-muno na ane a teŋɛzu noba poɔŋ. Neɛzaa kyebe a na baŋ pigoo sori kyɛbee a yelkoo ka, ‘Bo yɛlɛ hoŋ erɛ ŋa?’ 36 “A yi saŋa na N yɛlɛ pare bammo naŋ leɛ wa N zie, ka N naaloŋ gyeremɛ, N emmo, ane N pugibu leɛ wa N zie na. N paaloŋ na nembɛrɛ ane a nabiiri da mɔɔ la ba mɔɔbo zaa a bɔ ma, ba da leɛ de la N naaloŋ na ko ma, a da lɛ de gyeremɛ yaga zaa paale ma.