Hozeeya

3 Beŋ la ka Jehoova da yelko ma ka: “Lɛ gaa, a te nɔŋ a pɔge na dɔɔ zaala naŋ nɔŋ na, onaŋ sããna kultaa na, aŋa lɛ na Jehoova naŋ nɔŋ a Izerayɛl noba kyɛ baŋ maŋ leɛ te puoro ŋmen-yobo na a kyɛ lɛ nɔŋ kekiri ba naŋ de tewɔmɔ maale neŋ.” 2 Azuŋ N da de la waribie 15 ane baali mannoo hooma bonyeni neŋ kyɛlee a leɛ da o ko N meŋɛ. 3 Beŋ la maŋ yelkoo ka: “Ho na eɛ N pɔge bebie yaga poɔŋ. A ba seŋ ka ho tonɔ gyɛntere toma, a ba seŋ ka ho neŋ dɔɔ yuo zaa meŋ gaŋneŋ taa, lɛ neŋ o zu maŋ meŋ na erɛ korɔ bo.” 4 Bonso a yi wagre kɔɔroo poɔŋ a Izerayɛl biiri na bebeŋ kyɛ ba koŋ taa naa ba poɔŋ, kyɛbee nabie, kyɛbee sareka, kyɛbee piila, ba koŋ taa ɛɛfɔd ane die baga. 5 A lɛ puoreŋ a Izerayɛl noba na leɛ waŋ a wa bɔ Jehoova ba Naaŋmen ane ba naa Deevid, a bebi-baaree poɔŋ ba na de la eŋ-mĩĩ a wa Jehoova ane o sonnoŋ na zie.