Matio

10 Beŋ la oŋ da boɔle o potuuribo 12 na lantaa a ko ba kpeɛ̃o a sefaare zuŋ, ka ba naŋ toɔ̃ digi sefaare bare a kyɛ saŋ baaloŋ boɔrɔ ane yelwonaa zaa. 2 A bitontonee 12 na yoe la ama: A dɛndɛŋ, Saamon, ona baŋ boɔlɔ Piita na, ane o yɔɔ Anduru; Zɛbɛdii bidɔbɔ Gyimisi ane o yɔɔ Gyɔɔn; 3 Filipi ane Batolomi; Tɔmaase ane Matio a zuyɔɔ-derɛ; Gyimisi naŋ e Alfeo bidɔɔ; ane Tadiyo; 4 Saamon a Kaana neɛ; ane Gyudase Ezekarɔte, ona la iroo tere a puoreŋ na. 5 A 12 ŋa la ka Yezu da toŋ, a ko ba a sowuli ama: “Yɛ ta wa kyɛnɛ kpeɛrɛ a paaloŋ yobo sori zuŋ, yɛ ta wa kpeɛrɛ Samareya tenne na kaŋa zaa; 6 kyɛ, yɛ moɔ̃ niŋe a gɛrɛ a Izerayɛl die peere naŋ bɔre na zie. 7 Ka yɛneeŋ wa gaa, yɛ maŋ moɔle ko ba ka: ‘A sazu Naaloŋ peɛlɛɛŋ.’ 8 Yɛ saŋna noba baaloŋ, a sennɛ kũũni, a vɛŋ ka kɔŋkɔnne e forifori, a digre sefaare bara. Ba de ko yɛŋ weɛ lɛ, azuŋ yɛ meŋ de korɔ ba weɛ lɛ. 9 Yɛ ta wa derɛ sanlii kyɛbee wari kyɛbee yaawa eŋnɛ yɛ libie woore pooreŋ, 10 yɛ ta wa derɛ bondirii wouɔ tuuro ne a sori, kyɛbee bonsuurii ayi, kyɛbee nɔɔteɛ, kyɛbee daŋgbale, bonso a tontonɔ seŋ nɛɛ o bondirii. 16 “Nyɛ! N tonɔ yɛŋ aŋa peere a eŋnɛ gboŋgboe poɔ; azuŋ yɛ kaara yɛ menne velaa aŋa weere, a kyɛ e noba naŋ ba taa sããnaa aŋa na-ŋmama. 19 Kyɛ, ka ba naŋ wa iri yɛ tere, yɛ ta wa vɛnɛ ka yɛ enne kyerɛ yɛ a kyaare sori aŋ seŋ ka yɛ tu kyɛ yel yɛlɛ kyɛbee yɛlɛ yɛŋ na yeli, bonso ana awa na poɔŋ baŋ na ko yɛ yɛlɛ naŋ seŋ ka yɛ yeli; 20 bonso a ba e yɛnee la yele a yɛlɛ, kyɛ yɛ Saa vooroŋ na la tu yɛ zie kyɛ yele a yɛlɛ. 29 Ba ba maŋ koɔre daviime ayi pɛsewa yenaa bee? Kyɛ a kaŋa zaa kyebe a na le teŋɛŋ ka yɛ sazu Saa ba baŋ. 30 Haali yɛ zukɔɔloŋ zaa noɔre ka o baŋ. 31 Azuŋ, yɛ ta zoro dabeɛ̃; yɛ eɛ tegroŋ yaga zaa a gaŋ a daviime. 34 Yɛ ta teɛre ka emmaaroŋ la maŋ de waneŋ a teŋɛzu; emmaaroŋ naane maŋ de waneŋ, kyɛ zɔɔzɔɔsoɔ la maŋ de waneŋ. 35 Bonso N waɛŋ ka N waneŋ wɛltaa, dɔɔ ane o saa kpakyagaŋ, pɔgeyaa neŋ o ma kpakyagaŋ, ane naapɔge neŋ o serɛ ma kpakyagaŋ. 36 Ɛɛ, neɛ dɔndɔnne na eɛ o meŋɛ yideme.