Urom

15 Te bana na naŋ e kpeɛne seŋ ka te dire kannyiri korɔ bana na naŋ ba e kpeɛne neŋ ba bambaaloŋ, a ta erɛ yɛlɛ naŋ na pɛlɛ te menne poore yoŋ. 2 Yɛ kaŋa zaa maŋ pɛlɛ o tɔsoba poɔ o soŋ zuŋ, ka lɛ vɛŋ ka yɛ toɔ̃ eŋ ba faŋa. 4 Bonso yɛlɛ na ba naŋ daŋ sɛge biŋ a takoreŋ saŋa na, ba da sɛgaaŋ ka a wulo te, a tuuro te kannyiri diibu ane sukyiridii te naŋ nyɛrɛ yire a Sɛgre poɔŋ ka te na taa teɛretɔroo. 5 Ka a Naaŋmen naŋ terɛ kannyiri ane sukyiridii soŋ yɛ ka yɛ taa teɛroŋ na Krista Yezu naŋ da taa na neŋ o zu, 6 ka lɛ vɛŋ ka yɛ de noɔreyeni ane kɔkɔyeni a pugiro a te Daana Yezu Krista Naaŋmen ane o Saa. 7 Azuŋ yɛ derɛ taa saannoŋ, aŋa lɛ na Krista naŋ de yɛ saannoŋ na ka lɛ na vɛŋ ka Naaŋmen nyɛ pugibu.