Urom

20 Bonso ba da eɛɛ la ka Naaŋmen bonmaalee ba taa tɔnɔ, a ba e ka Naaŋmen bonmaalee boɔbo la, kyɛ neɛ na naŋ sigre a Naaŋmen bonmaale eŋ lɛ poɔŋ na boɔbo la ka o da e lɛ teɛretɔroo zuŋ 21 bonso ba na faa la a bonmaalee yi poɔ̃mmo gbaŋbaaloŋ poɔ, ka lɛ vɛŋ ka ba nyɛ a Naaŋmen biiri son-meŋɛ naŋ taa gyeremɛ yaga zaa na. 22 Bonso te baŋɛɛŋ ka Naaŋmen bonmaalee zaa laŋɛɛ taa a kono hiine, a laŋ dire woore meŋ a wa ta pampana ŋa. 35 Nembuoŋ na baŋ wɛl te yi a Krista nɔmmo poɔŋ? Yeltuo, woore, dɔgroŋ, kɔŋ, eŋkponkpoli, kũũ yɛlɛ, kyɛbee zɔɔzɔɔsoɔ la? 36 Aŋa lɛ na ba naŋ sɛge ka: “Ho zuŋ la baŋ koorɔ te bebiri zaa; ba de teŋ aŋa peere baŋ na maŋ nyɔge te ŋmaa baa kɔkɔɛ.” 37 Ai, a yi a yɛlɛ ama ŋa zaa poɔŋ te eɛ zɔɔtoɔ̃neba kpɛlɛŋkpɛlɛŋ a tuuro soba na naŋ nɔŋ te na zuŋ. 38 Bonso N baŋɛɛŋ peɛlaaŋ ka kũũ kyɛbee nyɔvore kyɛbee malekere kyɛbee gɔmenantere kyɛbee boma naŋ bebe pampana kyɛbee boma naŋ na wa kyɛbee kpeɛ̃o 39 kyɛbee zie naŋ do yaga kyɛbee zi-zuluŋ kyɛbee bonvore zaa kyebe a na baŋ wɛl te yi Naaŋmen nɔmmo naŋ be a te Daana Yezu Krista eŋɛŋ.