Filipae
5 Yɛ vɛŋ ka yɛ nensaalehoŋ gyogo pɛle ko neɛzaa. A Daana peɛlɛɛŋ. 6 Yɛ ta vɛŋ ka yelzaa dɔɔnɔ yɛ, kyɛ a yi yelzaa poɔŋ yɛ maŋ tu puoro eŋɛŋ, koŋ sɔroo eŋɛŋ, bareka puoruu eŋɛŋ, kyɛ vɛŋ ka Naaŋmen baŋ yɛ yelfɛree; 7 lɛ la ka Naaŋmen maaroŋ naŋ gaŋ bammo zaa na go yɛ sukyie ane yɛ teɛrɛ a tuuro Krista Yezu eŋɛŋ. 8 A baaraa zaa, N yɔɔmine, yelzaa naŋ waa meŋɛ, yelzaa naŋ e nimizeɛ, yelzaa naŋ e sontuubu yɛlɛ, yelzaa naŋ e forifori, yelzaa naŋ waana neŋ nɔmmo, yelzaa noba naŋ yele yelsonne kyaara, yelzaa naŋ waa soŋ, yelzaa naŋ seŋ neŋ pugibu, yɛ moɔ̃ niŋe a maŋ teɛrɛ a yɛlɛ ama. 13 N na toɔ̃ eɛ yelzaa a tuuro soba na naŋ korɔ ma kpeɛ̃o na zuŋ.