1 Tɛsalonika

2 Aneazaa ka a piilee saŋa na te da di la dɔgɛɛ yaga kyɛ ka ba e te yɛlɛ naŋ ba seŋ neŋ a Filipae teŋɛ poɔŋ, aŋa lɛ na yɛ naŋ baŋ na, kyɛ Naaŋmen da soŋ teŋ teŋ de sukyiri kpagu a moɔlɔ Naaŋmen duorisoŋ na, aneazaa ka te da tuoree zɔɔre yɛlɛ. 4 kyɛ aŋa lɛ na Naaŋmen naŋ sage de te yɛlɛ a de a duorisoŋ toma eŋ te nuureŋ na, azuŋ te maŋ yelee yɛlɛ ka te pɛlɛ Naaŋmen poɔ, kyɛ te ba yele yɛlɛ ka te pɛlɛ nensaaleba poɔ, bonso Naaŋmen la maŋ peɛre baŋ te sukyie. 8 Te naŋ taa nɔmmo naŋ e zuluŋ a ko yɛ zuŋ, te da narɛɛ te menne ka te moɔle a Naaŋmen duorisoŋ ko yɛ, a kyɛ lɛ yeli te sukyie poore meŋ yɛlɛ ko yɛ, bonso yɛ eɛ noba te naŋ nɔŋ yaga. 13 A lɛ zuŋ teŋ maŋ puoro Naaŋmen bareka wagre zaa, bonso saŋa na yɛ naŋ da woŋ a Naaŋmen yelbiri yi te zie, yɛ da ba sagoo aŋa o naŋ waa nensaaleba yelbiri, kyɛ yɛ da sagooŋ aŋa o naŋ waa Naaŋmen yelbiri, lɛ ka o sereŋ waa meŋ, a yelbiri ka bana naŋ sagedi de tonɔ neŋ toma ba zemmo poɔŋ na.