Toma

8 Sɔɔl da sagɛɛŋ ka ba ko o. A lɛ bebiri na dɔgroŋ kpoŋ da iree a lantaapuoruu naŋ da be Gyɛruzɛlɛm na zuŋ; ka ba zaa da zo gaa Gyudiya ane Samareya kyɛ bare a bitontonee yoŋ. 12 Kyɛ saŋa na baŋ da sagede Filipi naŋ da moɔlɔ a Naaŋmen Naaloŋ duorisoŋ ane a Yezu Krista yuori yɛlɛ korɔ ba na, a dɔbɔ ane a pɔgeba da deɛ la suobu. 14 Saŋa na a bitontonee naŋ da be Gyɛruzɛlɛm naŋ wa woŋ ka noba naŋ be Samareya sage de la a Naaŋmen yelbiri na, ba da toŋ la Piita ane Gyɔɔn baŋ gaa ba zie; 25 Azuŋ, saŋa na baŋ da di a noba sieree soŋ zaa a manne Jehoova yelbiri na ko ba baare na, ba da leɛ tu la sori a gɛrɛ Gyɛruzɛlɛm, ba da lɛ te moɔlɛɛ a duorisoŋ korɔ noba yaga naŋ da be a Samareya teŋbilii na poɔ. 26 Kyɛ ka Jehoova maleke da yelko Filipi ka: “Iri a tu a samun-duri sɛŋ sori naŋ yi Gyɛruzɛlɛm a gɛrɛ Gaza na.” (A sori ŋa e la wɛgyɛŋ sori.) 27 Beŋ la oŋ da iri gaa be. O da te nyɛ la Etopiya dɔɔ-varaa kaŋa, a dɔɔ ŋa da eɛ Etopiya pɔgenaa na baŋ boɔlɔ Kandasi na toŋtonɔ, o da taa la arezie naŋ e kpoŋ. Onaŋ da kaara a pɔgenaa bonnanɛɛ zaa zu. O da gaa la Gyɛruzɛlɛm ka o te puore Naaŋmen, 28 kyɛ o pãã da leɛ gɛrɛɛ o yiri, o da zeŋ la o wiri toriko poɔŋ a kyɛ kanna daŋyele Aizeeya gane. 29 Beŋ la ka a vooroŋ soŋ da yelko Filipi: “Gaa o zie a te peɛle a wiri toriko.” 30 Filipi da zo ta la a wiri toriko a woŋ a dɔɔ naŋ kanna daŋyele Aizeeya gane na aŋ yire, ka Filipi soore a dɔɔ ka: “Ho sereŋ baŋɛɛ yɛlɛ na hoŋ kanna na tɛgɛ bee?” 31 Ka a dɔɔ deɛ yeli: “Wala maŋ na e baŋ a tɛgɛ ka neɛ kaŋaŋ ba soŋ ma?” Azuŋ, o da yelko la Filipi ka o kpɛ a wiri toriko poɔ ka ba laŋ zeŋ. 36 Saŋa na baŋ da naŋ be a sori zuŋ a gɛrɛ na, ba da wa ta la zie kaŋa koɔ̃ naŋ gaŋ, ka a dɔɔ-varaa da yelka: “Nyɛ! Koɔ̃ la be kyɛ; boŋ la pigi ma sori ka N de suobu?” 38 Beŋ la oŋ da vɛŋ ka a wiri toriko are, ka Filipi ane a dɔɔ-varaa da sigi kpɛ a koɔ̃ poɔ, ka Filipi da koo suobu.