Gyɔɔn

9 Saŋa na oŋ da para wa gɛrɛ na, o da nyɛɛ dɔɔ kaŋa naŋ e zɔŋɔ a yi o dɔgebo saŋa zaa. 2 Ka o potuuribo na da sooroo ka: “Rabbi, A dɔɔ ŋa kyɛbee o dɔgreba la e yelfaa, ka lɛ vɛŋ baŋ wa dɔgroo ka o eɛ zɔŋɔ?” 3 Ka Yezu iri a noɔre ko ba ka: “A dɔɔ ŋa kyɛbee o dɔgreba naaneŋ e yelfaa, kyɛ a yɛlɛ ŋa nyɛɛ eebo ka lɛ na vɛŋ ka Naaŋmen kpeɛ̃o na sãã a yi o yɛlɛ ŋa poɔŋ. 4 Aseŋ ka te tonɔ Soba naŋ toŋ ma na toma saŋa na a bebiri naŋ kyaane; zisoɔree saŋa waanaŋ, a saŋa ka neɛ koŋ baŋ toŋ toma. 5 A yi saŋa na maŋ naŋ be a donɛɛ ŋa poɔŋ, maaŋ la a donɛɛ kyaanee.” 6 Saŋa na oŋ da wa yeli a yɛlɛ ŋa baare, o da toorɛɛ nentaare bare teŋɛŋ, a de a nentaare gyɛre neŋ a tɛne, a de sɔ neŋ a dɔɔ nimie 7 a kyɛ yelkoo ka: “Gaa Silom baa na a te pɛge ho nimie” (Silom tɛgɛ la “Neɛ Ba Naŋ Toŋ”). Oŋ da gaa te pɛge, saŋa na oŋ da leɛ waana na, ka o nimie nyɛrɛŋ.