2 Timoti

3 Baŋ peɛlaaŋ ka a bebi-baaree saŋa, zie na maaleŋ eɛ kpeɛŋaa yaga zaa. 2 Nensaaleba na eɛ ba menne nɔŋneba, a e libi nɔŋneba, a wulo ba menne, a erɛ taŋkama, a maŋ yele yelfaare yaga zaa, a zagra ba dɔgreba nɔɛ, ba koŋ taa bareka puoroo gyogo, ba koŋ dire yelmennoŋ, 3 ba koŋ taa nensaaloŋ gyogo, ho ne ba koŋ baŋ laŋnoɔre, ba na e la yosaaneba, ba koŋ nyɔgrɔ ba menne, ba na e la nimikuonii deme, a kyiire yelsonne, 4 ba na maŋ iree ba taaba terɛ, a e zukpeɛne deme, a paale neŋ pɔloo, a e nimipɛl nɔŋneba kyɛ ba koŋ nɔnɔ Naaŋmen, 5 ba na maŋ taa la ŋmenpuoreba waaloŋ, kyɛ ba yel-eree na maŋ wuliŋ ka ba ba waa lɛ; tage ho meŋɛ yi ba zie. 6 Dɔbɔ mine na yi la a noba ŋa poɔŋ a tu nyaammo sori a kpɛ yie poore a te nyɔge pɔgeba naŋ e bambaalba ka yelfaare tuo ba baŋ gore a tuuro ba vɔlfaare eŋɛŋ, 7 ba na maŋ zannaŋ wagre zaa kyɛ ba daŋ koŋ toɔ̃ baŋ a yelmeŋɛ bammo zaa. 13 Kyɛ neŋfaare ane daware noba naŋ na moɔ̃ la niŋe a erɛ yelfaare yaga zaa, a bɛnlɛ ba taaba ane ba menne. 16 Naaŋmen vooroŋ soŋ la e ka ba sɛge a Sɛge-forifori zaa, ka a taa tɔnɔ a ko wuluu, noba kpããmo, a na baŋ sɛgre yɛlɛ ka a tori soŋ zaa, a kyɛ dɛnnɛ noba sontuubu poɔŋ, 17 ka lɛ na vɛŋ ka Naaŋmen neɛ paale kpɛlɛŋkpɛlɛŋ, a nare o meŋɛ velaa zaa a ko toŋ soŋ zaa tommo.