Matio

24 Saŋa na Yezu naŋ da yi a ŋmenpuoredie poɔ a gɛrɛ na, o potuuribo na da wa la o zie ka ba wuli o a ŋmenpuoredie ziiri na baŋ mɛ na. 2 Beŋ la oŋ deɛ yelko ba ka: “Ma yɛ nyɛɛ a boma ama zaa wɛ? Yelmeŋɛ zaa ka N yele korɔ yɛ, sori zaa kyebe ka kuurii na dɔgle o tɔ zuŋ ka ba koŋ daa o lɔɔ.” 3 Saŋa na Yezu naŋ da zeŋ a Oolif Taŋa zuŋ na, o potuuribo da wa la o zie ba yoŋ sɛŋ, a wa sooroo ka: “Yelko te, bo saŋa ka a yɛlɛ ŋa na e, ka bo yel la na wuli ka ho leɛ waabo ane a donɛɛ baaroo taɛ la?” 4 Ka Yezu iri a noɔre ko ba ka: “Yɛ kaara velaa ka neɛzaa ta wa bɛnlɛ yɛ, 5 noba yaga na de la N yuori waneŋ, a yele ka, ‘Maaŋ la a Krista,’ ba na bɛnlɛɛ noba yaga. 6 Yɛ na wono la zɔɔre yɛlɛ ane zɔɔre yɛlɛ ba naŋ moɔlɔ. Yɛ ta vɛŋ ka a yɛlɛ ŋa dɔɔnɔ yɛ yaga zaa, bonso aseŋ ka a yɛlɛ ama zaa nyɛ eebo, kyɛ a baaroo saŋa naŋ koŋ ta sɛre. 7 “Bozuŋ paaloŋ na maŋ iri zɔɔrɔ neŋ la o tɔ paaloŋ, ka namine meŋ iri zɔɔrɔ neŋ taa, kɔŋ kpoŋ na bebeŋ, ka teŋgbigre erɛ ziiri yaga pooreŋ. 8 A yɛlɛ ama zaa eɛ dɔgebo pobaare piilee. 9 “Noba na de yɛŋ tere ka ba dɔgre yɛ a kyɛ ko yɛ, N yuori zuŋ a paalonne noba zaa na kyiiri yɛŋ. 10 Ane meŋ, noba yaga na ŋmɛɛ gbɛɛ, a iri taa tere, a kyiire taa meŋ. 11 Zirii daŋyelba yaga na waŋ, a bɛnle noba yaga; 12 bege sããmmo naŋ na nyɛrɛ nimitɔɔre gaabo na zuŋ, noba yaga nɔmmo na mãã la. 13 Kyɛ soba na naŋ di kannyiri te ta a baaraa la na nyɛ nyɔvore. 14 Ba na moɔlɛɛ a Naaloŋ duorisoŋ ŋa a tendaa lombori zaa ka a e sieree ko a paalonne noba zaa, kyɛ ka a baaraa saŋa pãã ta. 15 “Azuŋ, ka yɛneeŋ wa nyɛ a kyiiruŋ bon na naŋ maŋ waana neŋ sããmmo na, aŋa lɛ daŋyele Daaniel naŋ yeli na, naŋ are a ziforiforiŋ (vɛŋ ka a kannekanna de yɛlɛ pare bammo toŋ neŋ toma), 16 vɛŋ ka noba naŋ be Gyuudiya na piili zoro duoro a tanne zuri. 17 Vɛŋ ka dɔɔ naŋ be a peɛ zuŋ na ta wa sigre waana ka o derɛ o bontaree naŋ be o dieŋ na, 18 ta wa vɛnɛ ka dɔɔ naŋ be weɛ poɔŋ leɛ kulo ka o te de o kpar-kpoŋ. 19 Nembao la a ko pɔgepoore ane pɔgeba na naŋ korɔ biiri bere a lɛ bebie naŋ! 20 Yɛ puoro sɔrɔ ka yɛ zoobu na ta wa lere kpaŋkyaanee saŋa, kyɛbee a Pɛnnoo bebiri; 21 bonso a lɛ saŋa na dɔgroŋ kpoŋ kaŋa na waŋ, o tɔ daaŋ ba wa a yi a donɛɛ piiluu saŋa a wa ta ŋaaŋ, ai, o tɔ daaŋ koŋ lɛ wa zaa. 22 Yelmeŋɛ zaa, ka ba naŋ da ba ŋmaa a bebie bare, neɛzaa koŋ nyɛ faabo; kyɛ a noba na ba naŋ kaa iri na zuŋ, ba na ŋmaa la a bebie bare. 33 A lɛ neŋ o zu la, ka yɛneeŋ wa nyɛ a yɛlɛ ama zaa, yɛ baŋ ka a nensaalaa bie waabo pãã taɛ la, a gba be a denoɔreŋ. 44 A yɛlɛ ŋa zuŋ, yɛ meŋ nare yɛ menne, bonso a nensaalaa Bidɔɔ na wa la saŋa na yɛ naŋ ba teɛre ka o na wa la. 45 “Nembuo la a gbaŋgba-bivelaa ane yɛmbaŋna na o neŋkpoŋ naŋ kaa iri ka o kaara o yiri zu, a korɔ ba bondirii wagre naŋ seŋ neŋ poɔŋ? 46 Nyɛ lɛ a gbaŋgbaa poɔ naŋ na pɛle seŋ saŋa na o neŋkpoŋ naŋ leɛ wa nyɛ o ka o tonɔ a toma! 47 Yelmeŋɛ ka N yele korɔ yɛ, o na kaa iruuŋ ka o kaara o bontaree zaa zu.