1 Gyɔɔn

7 N nɔŋneba, yɛ vɛŋ ka te naŋ kyɛnɛ nɔnɔ taa, bonso nɔmmo yi la Naaŋmen zie, neɛzaa naŋ nɔnɔ, Naaŋmen la dɔge o soba a kyɛ baŋ Naaŋmen meŋ. 8 Neɛzaa naŋ ba taa nɔmmo ba baŋ Naaŋmen, bonso Naaŋmen la nɔmmo. 9 A ŋaaŋ la ka a Naaŋmen nɔmmo sãã yi te zieŋ, ka Naaŋmen toŋ la o Bidɔɔ yeni oŋ wa a donɛɛ poɔŋ ka te tu o zieŋ a nyɛ nyɔvore. 10 Ŋaaŋ la a nɔmmo, a ba e ka tenee la nɔŋ Naaŋmen, kyɛ Naaŋmen la nɔŋ te a toŋ o Bidɔɔ ka o wa kpi a de o nyɔvore iri sareka te yelbebe zuŋ. 11 N yɔɔmine N naŋ nɔŋ, ka ŋaa la ka Naaŋmen nɔŋ te yɛŋ, a fɛrɛɛ la ka te meŋ nɔnɔ taa. 15 Neɛzaa naŋ sage ka Yezu la Naaŋmen Bidɔɔ, Naaŋmen be la o soba zieŋ, ka o soba meŋ be Naaŋmen zieŋ. 16 Te wa baŋɛɛŋ a kyɛ sagedi meŋ ka Naaŋmen nɔŋ teŋ. Naaŋmen la nɔmmo, neɛ na zaa naŋ be o nɔmmo na poɔŋ neŋ Naaŋmen eɛ bonyeni, ka Naaŋmen meŋ neŋ o soba e bonyeni. 19 Te nɔnɔ la, bonso onaŋ daŋ de weɛ a nɔŋ te.