1 Korinti

3 Kyɛ N boɔrɔŋ ka yɛ baŋ ka dɔɔ zaa zusoba la a Krista; ka pɔge zaa meŋ zusoba e dɔɔ; ka Krista meŋ zusoba e Naaŋmen. 23 Yɛlɛ na N naŋ nyɛ yi a Daana zie la ka N manna korɔ yɛ, zisoɔree na baŋ na iri a Daana Yezu tere na, o da de la boroboro, 24 saŋa na oŋ da wa puore Naaŋmen bareka baare na, o da kɔɔ la a boroboro a kyɛ yelka: “A boroboro ŋa are ko la N eŋdaa, ona maŋ na de tere yɛ zuŋ na. Yɛ maŋ erɛ a ŋaa a leɛteɛrɛ N yɛlɛ.” 25 Lɛ oŋ da e a ŋmanlee meŋ, saŋa na baŋ da wa di a zimaanee bondirii baare na, o da yelka: “A ŋmanlee ŋa are ko la a nɔlaŋ paalaa na, ona maŋ na de N zĩĩ paale neŋ na. Yɛ maŋ erɛ a ŋaa, saŋa zaa yɛŋ maŋ wa nyu yi a ŋmanlee poɔ, a maŋ de teɛrɛ N yɛlɛ.” 26 Bonso saŋa na zaa yɛŋ maŋ wa ɔɔ a boroboro a kyɛ nyu yi a ŋmanlee ŋa poɔŋ, a Daana kũũ la ka yɛ moɔlɔ a te ta o waabo saŋa.