Yieme

Deevid yieloŋ la, saŋa na oŋ da leɛ o meŋɛ aŋa yɛŋ-yaa Abimɛlɛk nimitɔɔreŋ, oŋ digoo bare oŋ gaa na.

34 N na pugee Jehoova wagre zaa; N na de la N nɔ-gbamɛ a pugiroo wagre zaa. 2 N na zɛgrɛɛ N meŋɛ Jehoova eŋɛŋ; Sigri meŋɛ deme na woŋaaŋ a kyillɛ neŋ popeɛloŋ. 3 Yɛ poɔ N eŋɛŋ ka te pugi Jehoova; Yɛ vɛŋ ka te zaa zɛge o yuori na ka o do. 4 N peɛrɛɛ yɛlɛ yi Jehoova zie, oŋ iri a noɔre ko ma. O faa maŋ yineŋ yɛlɛ na zaa naŋ eŋnɛ ma dabeɛ̃ poɔŋ. 5 Noba na naŋ de ba teɛretɔ eŋ o eŋɛŋ na niŋe da kyaanɛɛ; Vi koŋ kpɛ ba ka ba pɔge ba niŋesogɔ. 6 Soba na naŋ e nembaala boɔlɛɛŋ, ka Jehoova kyɛlle woŋ. O faa o la yi o toɔrɔ zaa poɔŋ. 11 N bidɔbɔ, yɛ wa kyɛlle woŋ N yɛlɛ; N na wuleeŋ lɛ aŋ seŋ ka yɛ zoro Jehoova. 12 Yɛ buo soba la nɔŋ nyɔvore A boɔrɔ ka o nyɛ yelsonne yaga o zemmo poɔŋ? 13 Lɛ yɛŋ go ho zele a yi yelfaare yeluuŋ, A go ho nɔ-gbamɛ a yi zirii ŋmaabo eŋɛŋ. 14 Tage ho meŋɛ a yi yelfaare eŋɛŋ, a kyɛ erɛ yɛlɛ naŋ soma; Bɔ emmaaroŋ, a boɔroo nimizeɛ̃. 15 Jehoova nimie maŋ be la sontuuribo eŋɛŋ, Ka ba naŋ wa kono sɔroo ka o soŋ ba, o maŋ kyɛllɛ wonoŋ. 16 Kyɛ Jehoova kyiiree noba naŋ erɛ yelfaare, O na eɛrɛɛ ba yɛlɛ zaa bare teŋganeŋ. 17 Ba da koŋeeŋ ka Jehoova kyɛlle woŋ ba koŋ sɔroo; O maŋ faa baŋ a yi ba toɔrɔ zaa poɔŋ. 18 Jehoova peɛlɛɛ noba na sukyie naŋ gyɛre; O maŋ faaɛ noba na enne naŋ kyoɔre na. 19 Neɛ naŋ e sontuuro maŋ tuoree yelkpeɛne yaga, Kyɛ Jehoova maŋ faaŋooŋ yi a zaa poɔŋ. 20 O guuro la o kɔbɔ zaa; A kaŋa zaa koŋ kɔɔ.