Gyɔɔn

11 Dɔɔ kaŋa baŋ boɔlɔ Laazoro da beɛrɛŋ; o da yi la Bɛtani, a koraa na Mareya neŋ Maata meŋ naŋ da yi na. 2 A Mareya ŋa la da sɔ a Daana ne kãã-nyunoɔ̃, a kyɛ de o zukɔɔloŋ meele o gbɛɛ aŋ ko; o beɛre Laazoro la da beɛrɛ na. 3 Azuŋ o yɔɔpɔgeba na da toŋɛɛŋ baŋ te yelko Yezu ka: “Daana, nyɛ! neɛ na ho naŋ nɔŋ yaga zaa na beɛrɛŋ.” 11 Saŋa na oŋ da wa yel a yɛlɛ ŋa baare na, o da lɛ yeleeŋ ka: “Te zɔmeŋɛ Laazoro gbireeŋ, kyɛ N gɛrɛ la be ka N te seŋoo.” 12 Beŋ la ka a potuuribo da yelkoo ka: “Daana, ka onaŋ gbire, lɛ yɛŋ o na nyɛ la laafeɛ.” 13 Kyɛ Yezu da yelee Laazoro kũũ yɛlɛ. Kyɛ ba da teɛrɛɛŋ ka Yezu yeleŋ ka o gaŋ gbireŋ a pɛnnɛ. 14 Beŋ la ka Yezu yelko ba peɛlaaŋ ka: “Laazoro kpieŋ, 23 Ka Yezu yelkoo ka: “Ho yɔɔdɔɔ na leɛ iri la.” 24 Ka Maata yelko Yezu ka: “N baŋɛɛŋ ka o na leɛ iriŋ a kũũni leɛ-iruu poɔ a bebi-baaraa daare.” 25 Ka Yezu yelko Maata ka: “Maaŋ la a kũũni leɛ-iruu ane a nyɔvore. Neɛzaa naŋ wulo sagediibu N eŋɛŋ, haali ka o sobaŋ kpi, kyɛ o na leɛ iri la a taa nyɔvore; 26 neɛ na zaa naŋ voorɔ a kyɛ wulo sagediibu N eŋɛŋ daaŋ koŋ kpi zaa. Ho sagɛɛ a yɛlɛ ŋa di bee?” 32 Saŋa na Mareya naŋ da wa ta zie na Yezu naŋ be a nyɛ o na, o da zo te le la Yezu gbɛɛŋ a kyɛ yelkoo ka: “Daana, ka hooŋ da be kyɛ, N yɔɔdɔɔ ŋa da naŋ koŋ kpi.” 33 Saŋa na Yezu naŋ da nyɛ Mareya ane a Gyuumine naŋ da poɔ o eŋɛŋ a wa be naŋ kono hiine na, o da pɛnɛŋ o poɔŋ yaga zaa, ka a yɛlɛ da dɔmoo yaga. 34 Ka Yezu yelka: “Yeŋ ka yɛ uumoo?” Baŋ yelkoo ka: “Daana, wa nyɛ.” 35 Ka Yezu da koŋ. 38 Beŋ la ka Yezu da pɛnɛ yaga zaa o poɔŋ a wa ta zie na a yaa naŋ be na. A yaa da waa la taŋa bogi, baŋ da binli kuurii pɔge o noɔre. 39 Ka Yezu da yelka: “Yɛ binli a kuurii bare.” Ka Maata naŋ da e a kũũ yɔɔpɔge da yelko Yezu ka: “Daana, o na nyuuro la, bonso oŋ kpi beraanaare la ŋa.” 40 Ka Yezu yelkoo ka: “N ba yelko bo ka ka hooŋ sagedi ho na nyɛɛ Naaŋmen gyeremɛ?” 41 Beŋ la baŋ da binli a kuurii bare. Ka Yezu da leɛre o niŋe tori sazu a yelka: “N Saa, N puoro boŋ bareka hoŋ maŋ kyɛllɛ wono N yɛlɛ. 42 Yelmeŋɛ zaa, N baŋɛɛŋ ka ho maŋ kyɛllɛ wono la N yɛlɛ wagre zaa; kyɛ a nembeɛoŋ naŋ are a zie ŋaŋ zuŋ la ka N yele a yɛlɛ ŋa korɔ bo, ka lɛ na vɛŋ ka ba sagedi ka hooŋ la toŋ ma.” 43 Saŋa na oŋ da wa yeli a yɛlɛ ŋa baare na, o da de la kɔkɔkpeɛŋaa a yelka: “Laazoro, iri yi wa!” 44 Ka a dɔɔ naŋ da kpi na iri wa yi, ka pɛmɛ da vili o gbɛɛ ane o nuure zaa, pɛne meŋ da vilee o niŋesogɔ. Ka Yezu yelko ba ka: “Yɛ loroo bare ka o gaa.” 55 A Gyuumine Parebare Tigri na da peɛlɛɛŋ, ka noba yaga da yi a koraa poɔŋ a duoro gɛrɛ Gyɛruzɛlɛm sɛre ka a Parebare Tigri na ta, ka lɛ vɛŋ ka ba na te pɛge ba menne a e forifori. 56 Ba da boɔrɛɛ Yezu, ba da are peɛlɛɛ a ŋmenpuoredie a yele korɔ taa ka: “Wala hoŋ teɛre? Ho teɛre ka o na wa la a tigri ŋa diibu zie yɛŋ?” 57 Kyɛ a ŋmenpuore wedeɛreba ane a Faraziimine da terɛɛ noɔre ka, neɛzaa naŋ baŋ zie Yezu naŋ be, o soba wa yelko ba, ka lɛ vɛŋ ka ba toɔ̃ te nyɔgoo.