Kolosi
5 Yɛ ko a teŋɛzu yɛlɛ zaa naŋ be yɛ enneŋ, aŋa peɛ̃mo toma, yeldɛgɛ, peɛ̃mo toma vɔlfaare, yelfaare boɔbo, ane bombɔ-gaŋne, bombɔ-gaŋne eɛ bagmaale. 8 Kyɛ a fɛrɛɛŋ ka yɛ bare a yɛlɛ ama zaa: supuriyaaraa, suuri, faaloŋ, yɛ ta vɛŋ ka yelfaare ane yeldɛgɛ yeluu be yɛ nɔɛ pooreŋ. 12 Aŋa lɛ yɛ naŋ waa noba Naaŋmen naŋ kaa iri, a e neŋ-forifori o naŋ nɔŋ, yɛ de nyonono, nimimaaroŋ, sigrimennoŋ, bɔinloŋ ane kannyiri su pɔge yɛ menne. 13 Yɛ naŋ kyɛnɛ dire kannyiri korɔ taa a vɛnɛ korɔ taa zaala zaala, ka neɛzaaŋ wa taa yelbawoŋtaa ne o tɔsoba. Aŋa lɛ Jehoova naŋ vɛnɛ korɔ yɛ zaala lɛ na, yɛ meŋ erɛ lɛ ne o zu. 14 Kyɛ a yi a yɛlɛ ama zaa puoreŋ, yɛ de nɔmmo su pɔge yɛ menne, bonso nɔmmo la maŋ tage boma mare taa velaa zaa. 16 Yɛ vɛŋ ka a Krista yelbiri be yɛ zie yaga zaa a yi yɛ yɛmbammo zaa poɔŋ. Yɛ naŋ kyɛnɛ wulo taa, a de yiele eŋnɛ taa faŋa, a pugiro Naaŋmen, a maŋ yiele bareka puoruu yiele a yire yɛ sukyie pooreŋ a korɔ Jehoova. 18 Yɛnee pɔgeba, yɛ sigri yɛ menne ko yɛ sereba, aŋa lɛ a naŋ waa lɛ a Daana poɔŋ. 20 Bibiiri, yɛ sagra yɛ dɔgreba nɔɛ yelzaa poɔŋ, bonso a lɛ eebo pɛlɛɛ a Daana poɔ. 23 Yelzaa ho naŋ erɛ, tonaa neŋ ho sukyiri zaa aŋa ho naŋ tonɔ korɔ Jehoova, kyɛ ka a ta waa ŋa nensaaleba la ka ho tonɔ korɔ, 24 bonso ho baŋɛɛŋ ka Jehoova zieŋ la ka ho na nyɛ a kyɛŋ aŋa kyɔɔtaa. Tonɔ korɔ te Neŋkpoŋ, Krista.