Gyɔɔn

2 A bebie ata daare ba da eɛ kultaa tigri kaŋa Galili teŋɛ na baŋ boɔlɔ Kaana na poɔŋ, Yezu ma meŋ da be la be. 2 Ba da toŋboɔlɛɛ Yezu ne o potuuribo a kultaa tigri zieŋ. 3 Saŋa na a waiŋ naŋ baare na, Yezu ma da wa la o zie a wa yelkoo ka: “Ba waiŋ na baarɛɛŋ.” 4 Kyɛ ka Yezu yelkoo ka: “Pɔge, bonso aŋ seŋ ka a yɛlɛ ŋa fɛrɛ ma kyɛbee a fɛrɛ bo? N wagre naŋ ba ta sɛre.” 5 O ma da yelko la a tontonneba ka: “Yɛ e yelzaa o naŋ yelko yɛ ka yɛ e.” 6 Senne ayoɔbo da biŋ la be aŋa lɛ a Gyuumine puoruu pɛgebo yeltuurii naŋ wuli, koɔ̃ galonne lezare kyɛbee lezare neŋ pieŋ da maŋ pa a seŋɛ kaŋa zaa. 7 Ka Yezu yelko ba ka: “Yɛ ɔŋ koɔ̃ eŋ a senne ka a pa.” Azuŋ, ba da ɔŋ la koɔ̃ paale a zaa. 8 Ka Yezu yelko ba ka: “Yɛ pãã ɔŋ a mine a te ko a tigri zukaara.” Ba da ɔŋaaŋ te koo. 9 A tigri zukaara da nyu la a koɔ̃ naŋ leɛ waiŋ na, kyɛ o da ba baŋ zie a naŋ yi, (aneazaa ka a tontonneba naŋ ɔŋaa wa koo na yɛŋ da baŋɛɛ zie a waiŋ naŋ yi), beŋ la ka a tigri zukaara da boɔle a pɔgderɛ 10 a yelkoo ka: “Neɛzaa maŋ de la a waiŋ naŋ soma na yi neŋ fɔrɔ, saŋa na a noba naŋ wa nyu bugi fẽẽ na, ka ba pãã de a waiŋ naŋ ba soma yaga na yi waneŋ. Kyɛ hooŋ yɛŋ de la a waiŋ sonne biŋ a wa ta pampana.” 11 Galili teŋɛ na baŋ boɔlɔ Kaana na la ka Yezu da e a yɛlɛ ŋa, o tonseɛlɛ na piiluu la lɛ, o da vɛŋɛɛŋ ka o gyeremɛ sãã, ka o potuuribo na da sage de o yɛlɛ