Yieme
5 Nyɛ yɛlɛ na ho naŋ e naŋ e yaga seŋ lɛ, Oo Jehoova N Naaŋmen, Ho toŋseɛlɛ ane teɛrɛ na hoŋ taa kyaare te na. Neɛzaa kyebe teŋ na baŋ de manne ne bo; Ka maaŋ na mannaa a kyɛ yel a yɛlɛ, A na eɛ yaga zaa ko ma ka N sɔre! 6 Ho ba boɔrɔ sareka ane kuubu, Kyɛ ho yuo la N tobo ka N kyɛlle woŋ yɛlɛ. Ho ba soore sareka nyegruu ane faaloŋ sareka yɛlɛ. 7 Beŋ la maŋ yelka: “Nyɛ, N waɛ la. Ba sɛgɛɛ N yɛlɛ eŋ a gane poɔŋ. 8 Oo N Naaŋmen, a e maŋ noɔ̃ yaga ka N erɛ ho boɔbo, Ho bege meŋ be la N sukyiri poɔ meŋɛŋ. 9 N moɔlɛɛ a sontuubu duorisoŋ na a lantaapuore-kpoŋ poɔŋ. Nyɛ! N ba pɔge N noɔre, Oo Jehoova, hooŋ meŋɛ baŋɛɛ a yɛlɛ ŋa velaa. 10 N ba pɔge ho sontuubu yɛlɛ na eŋ N sukyiri poɔŋ. N mannɛɛ ho yelmennoŋ ane ho faabo yɛlɛ. N ba de ho yelmeŋɛ nɔmmo, ane ho yelmeŋɛ na sɔgle a lantaapuore-kpoŋ poɔ.”