Yeng Yelibie

2 Vɛŋ ka neɛ kaŋa pugibu, ta vɛŋ ka ho meŋɛ noɔre pugiro bo; Vɛŋ ka neŋyobo pugiro bo, ta de ho meŋɛ nɔgbamɛ pugiro ho meŋɛ. 6 Ka ho zɔmeŋɛŋ pere bo, lɛ wuleeŋ ka o diree yelmennoŋ korɔ bo, Kyɛ ka ho dɔndɔmaŋ wa mugre ho noɔre, a maŋ eɛ yaga. 9 Kãã neŋ insɛnse maŋ vɛmeŋ ka neɛ sukyiri taa popeɛloŋ; Lɛ meŋ ka zɔmeŋɛ naŋ maŋ yi o poɔ zaa a derɛ kawane korɔ o tɔsoba maŋ vɛŋ ka a zɔmennoŋ noma. 11 N bidɔɔ, e yɛmbaŋna, ka lɛ vɛŋ ka N taa popeɛloŋ, a kyɛ iri yɛlɛ noɔre ko neɛ naŋ erɛ ma lolo yɛlɛ. 12 Nimiyuoro maŋ nyɛɛ toɔrɔ naŋ te waana a de o meŋɛ sɔgle, Kyɛ zɔli yɛŋ naŋ maŋ gɛrɛŋ a te kpɛ toɔrɔ yaga poɔŋ. 17 Aŋa lɛ kuribo naŋ maŋ saale o tɔ kuribo na, Lɛ meŋ ka neɛ maŋ saale o zɔmeŋɛ.