Luka

11 A yɛlɛ ŋa naŋ da e a da ba kɔɔre kyɛ ka Yezu da tu sori a gaa teŋɛ na baŋ boɔlɔ Naaiŋ, o potuuribo ane nembeɛoŋ da poɔ la o eŋɛŋ baŋ zaa gɛrɛ be. 12 Saŋa na oŋ wa tara a teŋkpɛŋ denoɔre na, nyɛ! dɔɔ kaŋa da kpieŋ baŋ tuo o yire gɛrɛ, a kũũ da la o ma bidɔɔ yeni yoŋ. A pɔge meŋ da eɛ ko-pɔge. A teŋɛ noba yaga da be la a ko-pɔge ŋa zieŋ. 13 Saŋa na a Daana naŋ da nyɛ o na, a ko-pɔge yɛlɛ da erooŋ nembao yaga, azuŋ o da yelkooŋ ka: “Ta kono.” 14 Beŋ la oŋ da tage ta a seene a bon na baŋ da de tuo a kũũ na, ka noba naŋ da tuo a kũũ na leɛ are. Ka Yezu yelka: “Bipɔlee, Maaŋ yele korɔ bo ka, vaa iri!” 15 Ka a dɔɔ naŋ kpi na vaa iri zeŋ, a da piili yele yɛlɛ, ka Yezu da de o ko o ma.