1 Piita

3 A lɛ neŋ o zu la, pɔgeba, yɛ sigri yɛ menne ko yɛ sereba, ka ba mineŋ bebe a ba sage de a yɛlɛ, ba na leɛreŋ a wa sage de a yɛlɛ ka ba ba yel yelzaa ko ba a tuuro ba pɔgeba gyog-sonne eŋɛŋ, 2 bonso ba menne na de la ba nimiri nyɛ gyog-sonne ane gyeremɛ naŋ e zuluŋ yɛ naŋ taa, a di a sieree. 3 Yɛ ta vɛŋ ka yɛ veɛloŋ waa yeŋe veɛloŋ—aŋa zuri palloo, salema bonsuurii ane bonveɛle suubu— 4 kyɛ yɛ vɛŋ ka o e a sukyiri poɔ nensaal-sɔglaa na, o na la veɛloŋ naŋ koŋ baŋ sãã, a waa baaloŋ a e bɔin na, a veɛloŋ ŋa la e tegroŋ yaga zaa Naaŋmen nimitɔɔreŋ. 5 Bonso ŋaa ka a takoreŋ saŋa pɔgeba na naŋ da e forifori a de ba teɛretɔroo eŋ Naaŋmen na da maŋ vɛŋ ka ba veɛloŋ waa, ba da maŋ sigree ba menne ko ba sereba, 6 aŋa lɛ na Saara naŋ da sage Aboraham noɔre, a boɔloo ka daana. Yɛ meŋ waa la o biiri, ka yɛneeŋ moɔ̃ niŋe a erɛ yɛlɛ naŋ soma a ta wa vɛnɛ ka dabeɛ̃ kpeɛrɛ yɛ. 7 A lɛ ne o zu la, sereba yɛ naŋ kyɛnɛ kpeɛrɛ ne yɛ pɔgeba aŋa noba yɛ naŋ baŋ velaa zaa. Yɛ eŋnɛ a pɔgeba ba naŋ e bambaalba zuŋ, bonso ba meŋ waa la Naaŋmen nyɔvore kyɔɔtaa na te naŋ ba seŋ ne gbandiribe, lɛ la ka yelzaa koŋ pigi yɛ puoruu sori. 8 A baaraa zaa, yɛ zaa taa teɛroŋ yeni, a maŋ de yɛ menne eŋ yɛ taaba gbɛbɔgriŋ, a taa yɔɔloŋ nɔmmo, nyonono naŋ e zuluŋ, ane sigrimennoŋ. 12 Jehoova nimie maŋ be la sontuuribo eŋɛŋ, o maŋ kyɛllɛ wonee ba koŋ sɔroo, kyɛ Jehoova poɔ ba pɛlɛ neŋ noba naŋ tonɔ toŋfaare.” 15 Yɛ pɛge a Krista ka o e la Daana a yɛ sukyie pooreŋ, yɛ maŋ nare yɛ menne wagre zaa ka yɛ iri yɛlɛ noɔre ko neɛzaa naŋ soorɔ yɛ yɛlɛ a kyaare yɛ teɛretɔroo yɛ naŋ taa na yɛlɛ, kyɛ yɛ maŋ de sumaaroŋ ane gyeremɛ naŋ e zuluŋ erɛ lɛ.