Matio

6 Kyɛ saŋa na baŋ da dire Hɛrod dɔgebo daare tigri na, ka Hɛrodiyas pɔgeyaa da wa seɛ a tigri diibu zieŋ ka Hɛrod poɔ pɛle yaga zaa 7 azuŋ o da pɔɛŋ ka o na eɛ yelzaa Hɛrodiyas pɔgeyaa na naŋ sɔre yi o zie. 8 Beŋ la ka Hɛrodiyas da yelko o pɔgeyaa na ka o yelka: “Vɛŋ ka ba ŋmaa Gyɔɔn naŋ korɔ noba suobu zu eŋ laa poɔŋ ko ma.” 9 Aneazaa ka a naa poɔ da ba pɛle neŋ lɛ, kyɛ oŋ da pɔ koo na zuŋ ane a noba na o ne ba naŋ da dire a bondirii na zuŋ, o da ko la noɔre ka ba te e lɛ. 10 Azuŋ o da toŋɛɛ noba baŋ te ŋmaa Gyɔɔn zu a nempɔgedie poɔŋ. 17 Beŋ la ka ba yelkoo ka: “Te ba taa bonzaa zie ŋa ka boroboro anuu ane zommo ayi yoŋ naane.” 18 Ka Yezu yelko ba: “Yɛ de a waneŋ kyɛ wa ko ma.” 19 Oŋ da yelko a nembeɛoŋ ka ba zeŋ a moɔ zuŋ. Oŋ da de a boroboro anuu ane a zommo ayi, a gbole tori sazu, a da puori Naaŋmen bareka, lɛ puoreŋ o da ŋma la a boroboro a de ko o potuuribo na, ka o potuuribo na meŋ da de a ko a nembeɛoŋ. 20 A noba zaaŋ da di a tige, ba da lagrɛɛ a bondirii naŋ kyɛre na aŋ pa pɛre 12. 21 Noba naŋ da dire a bondirii da e la dɔbɔ 5,000, ka pɔgeba ane bibiiri meŋ da poɔ. 23 Saŋa na oŋ da bare a nembeɛoŋ baŋ gaa na puoreŋ, o meŋɛ yoŋ tɛgɛ da do la a taŋazu ka o te puore. Saŋa na zie naŋ da wa soɔ na, o yoŋ tɛgɛŋ da bebe.