Joob

42 Beŋ la ka Gyoob deɛ yelko Jehoova: 2 “Pampana ŋa maŋ baŋ ka ho na baŋ eɛ yelzaa Ka yelzaa kyebe a be ho teɛroŋ poɔŋ a e kpeɛŋaa ko bo ka ho e. 3 Ho yeleeŋ ka, ‘Nembuo la a ba baŋ bonzaa a kyɛ boɔrɔ ka o de N kawane sɔgle?’ Azuŋ N da ba baŋ a yɛlɛ pare zaa te baare kyɛ yele yɛlɛ A yele yɛlɛ kyaara yɛlɛ naŋ e seɛlee yaga zaa ko ma, a e yɛlɛ maŋ ba baŋ. 4 Ho yeleeŋ ka, ‘Sɔrebo la kyɛllɛ ka N yeli yɛlɛ ko bo. N na soore boŋ soorebiri, ka ho iri a noɔre ko ma.’ 5 N tobo woŋee ho yɛlɛ, Kyɛ pampana, maaŋ meŋɛ de la N nimie nyɛ bo. 6 Azuŋ, N ba lɛ yeli yɛlɛ na zaa maŋ da yeli na, N leɛrɛɛ N eebo tane neŋ tampɛloŋ poɔŋ.” 7 Saŋa na Jehoova naŋ wa yeli a yɛlɛ ŋa zaa ko Gyoob baare na, Jehoova da yelko la Eelifaz a Teemaŋ neɛ na ka: “N suuri iree hooŋ ane ho zɔmenne bayi na zuŋ yaga zaa, bonso yɛ ba yeli yɛlɛ naŋ e yelmeŋɛ a kyaare ma aŋa lɛ na N toŋtonɔ Gyoob naŋ e na. 10 Saŋa na Gyoob naŋ wa puore sɔre ko o zɔmenne baare na, Jehoova da iree Gyoob dɔgɛɛ na zaa bare, a kyɛ leɛ de o bondaaŋ boma na koo. Jehoova da leɛ de la boma na zaa oŋ da taa na a leɛ koo gbɛre boyi. 11 O yɔɔdɔba neŋ o yɔɔpɔgeba ane o zɔmenne zaa da wa la o zie, ka o ne ba zaa laŋ di bondirii o dieŋ. Ba da moore kooŋ a kyɛ dii o sukyiri a yi toɔrɔ na zaa Jehoova naŋ da tere sori aŋ pɔgoo na eŋɛŋ. Ba kaŋa zaa da de la libie ane salema nufentele koo. 12 Jehoova da ko la Gyoob maaloo yaga o nyɔvore baaroo saŋa a gaŋ o nyɔvore piiluu saŋa. Gyoob da wa taaɛ peere 14,000, boŋtanne 6,000, nii 1,000, ane boŋ-pɔgeba 1,000.