Marko

17 Saŋa na oŋ da tu sori a gɛrɛ na, dɔɔ kaŋa da zo wa la o zie a wa le o gbɛɛŋ, a sooroo ka: “Wulwulsoŋ, wala aŋ seŋ ka N e a toɔ̃ nyɛ nyɔvore naŋ ba taa baaraa?” 18 Ka Yezu yelkoo ka: “Bonso hoŋ boɔle ma soŋ? Neɛzaa kyebe a waa soŋ ka neŋyeni yoŋ naane, ona la Naaŋmen. 19 Ho baŋɛɛ a bege: ‘Ta ko neɛ, ta wa sããna kultaa, ta wa zuuro, ta di zirii sieree, ta fa neɛ, eŋnɛ ho saa ane ho ma.’” 20 Ka a dɔɔ deɛ yelkoo ka: “Wulwulo, N baapaaloŋ saŋa zaa maŋ tuuro a yɛlɛ ama zaa.” 21 Ka Yezu da kaa a dɔɔ, a nɔŋ o yɛlɛ, a yelkoo ka, “Yel bonyenaa kaŋa la hoŋ kɔŋ: Gaa, a te koɔre ho bontaree a de ko nandaaneba, lɛ na vɛmeŋ ka ho taa bondaaŋ boma sazuŋ; a kyɛ pãã wa e N potuuro.” 22 Kyɛ ka a yɛlɛ ŋa da dɔŋ a dɔɔ yaga zaa, oŋ da leɛ gaa neŋ posããnaa, bonso o da taaɛ bontaree yaga. 29 Ka Yezu yeli: “Yelmeŋɛ zaa ka N yele korɔ yɛ, neɛzaa kyebe a bare o yiri, yɔɔdɔba, yɔɔpɔgeba, ma, saa, biiri, ane wɛre N zuŋ ane a duorisoŋ zuŋ 30 a koŋ lɛ nyɛ a pare gbɛɛ 100 a wagre ŋa poɔŋ—o na lɛ nyɛɛ yie, yɔɔdɔba, yɔɔpɔgeba, mamine, biiri, wɛre ane dɔgroŋ—a donpaalaa naŋ waana poɔŋ meŋ ka o nyɛ nyɔvore naŋ ba taa baaraa.