Munpiilee

1 A piileeŋ Naaŋmen da maalɛɛ a sazu ane a teŋgane. 2 A teŋgane da ba taa waaloŋ zaa, a da gaŋ kpale lɛ, ka ligroŋ da pɔge a koɔ̃ne naŋ e zuluŋ na, Naaŋmen vooroŋ soŋ na da yuoɔrɛɛ a koɔ̃ne zuŋ. 5 Ka Naaŋmen da boɔle a kyaanee ka Ŋmenaa, a kyɛ boɔle a ligroŋ ka Zisoɔree. Ka zie da soɔ ka zie da nyaa, a bebi-dɛndɛŋ soba. 10 Naaŋmen da boɔlɛɛ a zie naŋ ko na ka Teŋgane, kyɛ a koɔ̃ne naŋ da lagre lantaa na yɛŋ, o da boɔlaaŋ ka Mama. Ka Naaŋmen da nyɛ ka a somaŋ yaga. 12 Ka moore da piili bulo a teŋgane zuŋ, bonbulo naŋ taa bonbie ane teere naŋ wɔnɔ wɔmɔ a taa biri a poɔ meŋ da bebeŋ, kaŋa zaa da maŋ wɔŋee boma tɛɛtɛɛ. Beŋ la ka Naaŋmen da nyɛ ka a da somaŋ. 21 Ka Naaŋmen daaŋ maale a mane poɔ dun-bɛrɛ na, ane bon-vobɔ zaa naŋ kyɛnɛ a kyɛ be koɔ̃ poɔŋ, o da maalaaŋ aŋ e tɛɛtɛɛ, o da maalɛɛ bon-ɛgree meŋ aŋ e tɛɛtɛɛ. Ka Naaŋmen da nyɛ ka boma na oŋ maale na soma. 25 Naaŋmen da maalɛɛ a mɔ-dunni naŋ be a teŋgane zuŋ aŋ e tɛɛtɛɛ, a da maale a yiri dunni meŋ aŋ e tɛɛtɛɛ, o da maalɛɛ dunni naŋ vuuro teŋɛŋ meŋ aŋ e tɛɛtɛɛ. Ka Naaŋmen da nyɛ ka boma na oŋ maale na soma. 26 Beŋ la ka Naaŋmen yeli: “Vɛŋ ka te maale nensaalaa te meŋɛ waaloŋ poɔ, ka o waa ŋa lɛ na te naŋ waa na, ka te vɛŋ ka ba kaara a zoma, a bon-ɛgree naŋ be sazuŋ, a yiri dunni, a teŋgane ane duŋo zaa naŋ vuuro a teŋganeŋ.” 27 Beŋ la ka Naaŋmen maale dɔɔ o meŋɛ waaloŋ poɔŋ, Naaŋmen waaloŋ poɔ oŋ da maale a dɔɔ; dɔɔ neŋ pɔge la oŋ da maale. 31 A lɛ puoreŋ Naaŋmen da leɛ kaa la boma na zaa oŋ maale na, nyɛ! a da somaŋ yaga zaa. Ka zie da soɔ ka zie da nyaa, a bebie ayoɔbo soba.