Urom

5 Tɔɔ, pampana ŋa ba naŋ kaa te sagediibu zuŋ a ŋmaa te sɛrɛɛ ka te eɛ sontuuribo, yɛ vɛŋ ka te neŋ Naaŋmen ane te Daana Yezu Krista laŋ zeŋ emmaaroŋ poɔŋ, 2 a tuuro o zieŋ la ka te nyɛ apoɔsori ka te tu te sagediibu eŋɛŋ a kpɛ Naaŋmen nimimaaroŋ te naŋ ba seŋ neŋ na poɔ, a nimimaaroŋ ŋa poɔ la ka te be pampana; a Naaŋmen gyeremɛ teɛretɔ na te naŋ taa na zuŋ, yɛ vɛŋ ka te kyillɛ. 3 Kyɛ lɛ yoŋ naane, yɛ vɛŋ ka te kyillɛ saŋa na teŋ be dɔgɛɛ poɔ, bonso te baŋɛɛŋ ka dɔgɛɛ maŋ vɛmeŋ teŋ taa kannyiri; 4 kannyiri meŋ maŋ vɛmeŋ teŋ baŋ ka Naaŋmen boɔrɛɛ te yɛlɛ, ka Naaŋmen wa boɔrɔ te yɛlɛ meŋ, a maŋ vɛmeŋ teŋ taa teɛretɔ, 5 a teɛretɔ ŋa ba de te gɛrɛ neŋ posããnaa poɔ; bonso ba tu la Naaŋmen vooroŋ soŋ na eŋɛŋ a kyɛ kyiri Naaŋmen nɔmmo na o naŋ de ko te na eŋ te sukyieŋ. 12 A lɛ zuŋ, a tuuro neŋyeni eŋɛŋ ka faaloŋ tu kyɛ kpɛ a donɛɛ, ka kũũ meŋ tu faaloŋ eŋɛŋ wa, a tu lɛ eŋɛŋ ka kũũ ta nensaaleba zaa bonso ba zaa eɛ yelbebe deme—. 19 Aŋa lɛ a naŋ tu dɔɔ yeni noɔre ba sagebo zuŋ ka noba yaga wa leɛ yelbebe deme, lɛ meŋ neŋ o zu la, a tuuro neŋyeni noɔre sagebo zuŋ, noba yaga na wa leɛ la suntuuribo.