Luka

2 A lɛ bebie na poɔŋ, Siiza Ɔgɔsitus da terɛɛ noɔre ka ba sɛge noba zaa naŋ be a tendaa zuŋ yoe. 2 (Saŋa na Kureeniyus naŋ da e Siiriya gɔbena na baŋ da sɛge a dɛndɛŋ yoe.) 3 A noba zaa da gaa yɛŋ ka ba sɛge ba yoe, ba kaŋa zaa da maŋ gaa la teŋɛ o naŋ yi. 4 A lɛ zuŋ, Gyoosɛf da yi la Naazɛrɛ naŋ be Galili teŋɛ poɔŋ a gaa Gyuudiya, Deevid teŋkpɛŋ na, be baŋ boɔlɔ Bɛtelɛhɛm na, bonso o da yi la Deevid die ane o booree poɔŋ. 5 o neŋ Mareya la da gaa ka ba sɛge ba yoe, ona baŋ de koo kultaa poɔŋ aŋa lɛ na baŋ da eŋ noɔre na, o da taaɛ poɔ aŋ kyɛre fẽẽ ka o dɔge. 6 Saŋa na baŋ da bebe na, o dɔgebo wagre da taɛŋ. 10 Kyɛ ka a maleke yelko ba ka: “Yɛ ta zoro dabeɛ̃, yɛ nyɛ! N moɔlɛɛ duorisoŋ korɔ yɛ, a eɛ yɛlɛ naŋ na vɛŋ ka noba zaa taa popeɛloŋ naŋ e kpoŋ. 36 Pɔg-daŋyele kaŋa da bebeŋ, o da eɛ Fanuwɛl naŋ yi Asɛ bale na poɔŋ pɔgeyaa, o yuori da la Ana. A pɔge ŋa yuomo da nyɛɛ nimitɔɔre gaabo, saŋa na oŋ wa kuli o sɛre na, o ne o da zeŋɛɛŋ yuomo ayɔpoi, 37 o da eɛ ko-pɔge naŋ nyɛ yuomo 84. O da maŋ be la a ŋmenpuoredieŋ wagre zaa, a derɛ puoruu naŋ e forifori korɔ Naaŋmen zisoɔree ane ŋmenaa, a maŋ leŋ noɔre ane koŋ-sɔroo. 38 Ana awa na poɔŋ, o da tage peɛlɛɛ be a de bareka puoruu korɔ Naaŋmen, a kyɛ yele a bie yɛlɛ korɔ noba na zaa naŋ da kyɛnlɛ Gyɛruzɛlɛm faabo na. 39 Azuŋ saŋa na baŋ da e yɛlɛ na zaa ba naŋ sɛge eŋ Jehoova Bege na poɔŋ ka ba e na, ba da leɛ gaaɛ ba teŋɛ Naazɛrɛ, beŋ be Galili na. 40 Ka a bidɔɔ bile daaŋ baara, a taa faŋa, a da taa yɛŋ naŋ e zuluŋ ka Naaŋmen meŋ maaloo daaŋ be o eŋɛŋ. 41 A da eɛ o dɔgreba gyogo ka ba maŋ gaa Gyɛruzɛlɛm yuoni zaa a te di a Parebare tigri. 42 Saŋa na Yezu naŋ da wa ta yuomo 12 na, ba da do gaaɛ Gyɛruzɛlɛm ka ba te di a tigri aŋa lɛ ba naŋ da maŋ erɛ na. 44 Ba da teɛrɛɛŋ ka o da poɔ la a neŋyaga naŋ da lantaa a tuuro a sori na poɔŋ, ba da tu la a sori aŋa bebi-gbuli, a pãã da piili boɔroo ba dɔgreba ane noba na ba naŋ baŋ na poɔŋ. 46 Tɔɔ, bebie ata puoreŋ ba da te nyɛ o la a ŋmenpuoredie poɔŋ, o da zeŋ la a wulwulibo seŋsooreŋ a kyɛllɛ ba yɛlɛ na a kyɛ soorɔ ba soorebie. 47 Kyɛ noba na zaa naŋ da kyɛllɛ wono o yɛlɛ na nɔɛ zaaŋ da mãã neŋ lɛ na oŋ da baŋ a yɛlɛ pare velaa ane o nɔɛ iribo na. 48 Saŋa na o dɔgreba naŋ da nyɛ o na, a yɛlɛ da e baŋ seɛlee, ka o ma da yelkoo ka: “N bie, bonso hoŋ e te a yɛlɛ ŋa? Nyɛ, N neŋ ho saa de la sukyiridɔŋ bɔ bo lɛɛŋ.” 49 Kyɛ ka o yelko ba ka: “Bonso yɛŋ yuoɔrɔ a boɔrɔ ma? Yɛ ba baŋ ka aseŋ ka N be N Saa dieŋ bee?” 50 Kyɛ, ba da ba baŋ yɛlɛ na oŋ da yelko ba na pare. 51 Azuŋ o da da tu baŋ a leɛ gaa Naazɛrɛ, o da naŋ kyɛnɛ sigree o meŋɛ korɔ ba. Ane meŋ, o ma da mãã la o meŋɛ a de a yɛlɛ ama zaa eŋ o sukyiriŋ. 52 Ka Yezu da nyɛrɛ nimitɔɔre gaabo yɛŋ bammo poɔŋ, a baara soŋ zaa, a nyɛrɛ maaloo Naaŋmen neŋ nensaaleba nimitɔɔreŋ.