Aizeeya

3 Neɛ kaŋa be la a wɛgyɛŋ poɔŋ a de kɔkɔkpeɛŋaa a yele ka: “Maale Jehoova sori na ka o soma! Maale sokpoŋ a teŋgaŋ-kuoŋaa zuŋ a ko te Naaŋmen. 26 “Leɛre ho nimie tori sazu a nyɛ. Nembuoŋ maale a boma ŋa? Ona la maalaa a baŋ a bon-gyamaa ŋa zaa noɔre; O maŋ boɔlɛɛ kaŋa zaa neŋ o yuori. O naŋ taa faŋa naŋ gaali zuŋ, ka o kpeɛ̃o meŋ e nɔmãã na zuŋ, A kaŋa zaa ba bɔre. 28 Ka lɛ ho ba baŋ? Ho ba woŋ bee? Jehoova, Neɛ naŋ maale boma zaa naŋ be a teŋɛzuŋ na, e la Naaŋmen naŋ bebe tegitegilɛ. O ba bala, o faŋa meŋ ba baara. Neɛ kyebe a na baŋ peɛre te baŋ o yɛlɛ zaa te baare. 29 O maŋ ko la neɛ naŋ bale faŋa, A de kpeɛ̃o meŋ ko neɛ naŋ ba taa kpeɛ̃o. 30 Bidɔbɔ na baleŋ ka ba faŋa zaa baare, Ka bipɔlɔ meŋ ŋmɛ gbɛre a le, 31 Kyɛ noba naŋ taa teɛretɔ Jehoova eŋɛŋ na leɛ nyɛɛ kpeɛ̃o. Ba na nyɛɛ kpaŋkpama a ɛgrɛ aŋa tuu-kpoŋ. Ba na zoŋ kyɛ ba koŋ bale; Ba na kyɛŋeŋ kyɛ ba koŋ bale.”