Aizeeya

6 Bɔ Jehoova saŋa na hoŋ na baŋ nyɛ o. Boɔloo saŋa na oŋ naŋ peɛle. 7 Vɛŋ ka neŋfaa bare o sori Ka toŋfatona meŋ bare o teɛrɛ; Vɛŋ ka o leɛ wa Jehoova zie, o na zo la o nembaaloŋ, A leɛ wa te Naaŋmen na zie, o na vɛŋ kooŋ kpɛlɛŋkpɛlɛŋ. 8 “Bonso N teɛrɛ ba e yɛ teɛrɛ, Yɛ soe meŋ ba e N soe,” Jehoova la yeli. 9 “Aŋa lɛ na a sazu naŋ do yaga zaa a gaŋ a teŋgane na, Lɛ la ka N soe meŋ do yaga zaa a gaŋ yɛ soe Ka N teɛrɛ meŋ do gaŋ yɛ teɛrɛ. 10 Aŋa lɛ na saa ane sinoo naŋ maŋ yi sazu a le teŋɛŋ A ba maŋ leɛ gaa sazu a te ta saŋa na aŋ bu a teŋgane na, a vɛŋ ka bonbulo buli a maale na, A vɛŋ ka neɛ naŋ bore boma nyɛ bonbie ane boroboro a ko noba baŋ di na, 11 Lɛ la N yelbiri naŋ yire N noɔre. O koŋ leɛ wa N zie kpale, Kyɛ o na toŋ la N poboɔbo toma, O na paalɛɛ yɛlɛ na N naŋ tomoo ka o e na.