Luka

15 Beŋ la ka o yelko ba ka: “Yɛ yuore yɛ nimie a go yɛ menne a yi bombɔ-gaŋne eŋɛŋ, bonso ka neɛ taa boma yaga zaa gba, kyɛ o nyɔvore ba kye a boma na oŋ taa na eŋɛŋ.” 16 Beŋ la oŋ da manne yelmannaa kaŋa ko ba, ŋaaŋ oŋ da yeli: “Dɔɔ bondaana kaŋa weɛ boma da maalɛɛŋ soŋ zaa. 17 Azuŋ o da teɛrɛŋ o teɛroŋ poɔŋ ka, ‘Wala pãã maŋ na e pampana ŋa, bonso N ba taa zie maŋ na wore a weɛ boma ŋa biŋ?’ 18 Beŋ la oŋ yelka, ‘Ŋaaŋ maŋ na e: N na ŋmarɛɛ N weɛ boma binziiri ŋa, a kyɛ maale boma binziiri naŋ gaŋaa, beŋ maŋ na wore a bonbie ane N bonsonne zaa biŋ, 19 N pãã na yelko la N meŋɛ ka: “Ho taaɛ bonsonne yaga zaa ho naŋ maale biŋ a ko yuomo yaga; mãã ho meŋɛ, a di, a nyu, a pɛlɛ ho niŋe.”’ 20 Kyɛ ka Naaŋmen da yelkoo ka, ‘Daŋbol ŋa, zisoɔree ŋa ba na deɛ la ho nyɔvore yi ho nuuriŋ. Nembuoŋ pãã na taa a boma na ho naŋ maale biŋ na?’ 21 Lɛ aŋ na waa ko neɛzaa naŋ maale bondaaŋ boma biŋ a ko o meŋɛ a kyɛ ba e bondaana Naaŋmen yɛŋ zieŋ.” 24 Yɛ leɛ kaa a galeŋgaare soŋ nyɛ: A ba maŋ bure bonbie kyɛbee a kyɛ boma; a ba taa boma binzie kyɛbee bugri; kyɛ Naaŋmen maŋ ko aŋ bondirii aŋ di. Yɛ ba seɛ a nuuli ŋa yaga zaa bee? 27 Yɛ leɛ kaa a moɔ poɔ bon-puuri a nyɛ: A ba tonɔ toma kyɛbee a wuoro bonsuurii; kyɛ maaŋ yele korɔ yɛ, haali Soolomoŋ ne o naaloŋ veɛloŋ zaa daŋ ba veɛlɛ seŋ a boma ŋa. 28 Ka ŋaa la ka Naaŋmen maŋ bɔɔ a moɔ poɔ bon-puuri naŋ bebe zenɛ ŋa kyɛ ka zie wa nyaana ka ba de a lɔɔ eŋ vũũ poɔŋ, lɛ meŋ la oŋ na baŋ ko yɛ bonsuurii ka yɛ su, yɛnee noba naŋ taa sagediibu naŋ e fẽẽ! 29 Azuŋ, yɛ ta kyerɛ a boɔrɔ bon yɛŋ na di ane bon yɛŋ na nyu, yɛ ta vɛŋ ka yɛ enne kyerɛ yɛ yaga zaa; 30 a na boma ŋa zaa la ka noba naŋ be a donɛɛ poɔŋ moɔ̃ niŋe boɔrɔ, kyɛ yɛ Saa baŋɛɛŋ ka a boma ŋa yɛlɛ ferɛɛ yɛ meŋ.