Munpiilee

3 A waabo da la wɛdoŋɔ naŋ nyaa yaga zaa a yi a wɛdonne na Jehoova Naaŋmen naŋ da maale aŋ be a moɔ poɔŋ na. Azuŋ oŋ da yelko a pɔge ka: “Naaŋmen sereŋ yeleeŋ ka yɛ ta wa dire tewɔnee zaa naŋ be a gaadin ŋa poɔŋ bee?” 2 Beŋ la ka a pɔge yelko a waabo ka: “Te na baŋ di la tewɔnee zaa naŋ be a gaadin poɔŋ. 3 Kyɛ Naaŋmen yeleeŋ a kyaare a tewɔnee naŋ be a gaadin seŋsoore na ka: ‘Yɛ ta wa diroo, ai, yɛ ta wa seenoo; ka lɛ naane yɛ na kpiŋ.’” 4 Beŋ la ka a waabo yelko a pɔge ka: “Ho koŋ kpi peɛlaaŋ. 5 Bonso Naaŋmen meŋɛ baŋɛɛŋ ka bebiri na hoŋ na di o, ho nimie na yuo la ka ho waa ŋa Naaŋmen, a baŋ soŋ ane faaloŋ tɛɛtɛɛ.” 6 Beŋ la ka a pɔge da leɛ kaa a teɛ a nyɛ ka o wɔmɔ somaŋ a ko diibu, o da kaa la a teɛ ka o vɔlaa te kpɛ o, ɛɛ, a teɛ sereŋ da veɛlɛŋ nimiri kaabo poɔŋ. Azuŋ o da pɔrɛɛ o wɔnee a dire. A lɛ puoreŋ, saŋa na o serɛ naŋ wa be o zieŋ, o da de la a teɛ wɔnee koo, oŋ meŋ piili dire.