Hiburu

11 Yɛ vɛŋ ka te moɔ te moɔbo zaa a kpɛ ana pɛnnoo na poɔ, ka lɛ vɛŋ ka te kaŋa zaa ta wa tɔglɔ ba tokpeɛne na. 12 Naaŋmen yelbiri na voorɔŋ a taa kpeɛ̃o meŋ yaga zaa, o direŋ a gaŋ zɔɔzɔɔ-sɔnɔkpara, o na baŋ kyɔge te kpɛ la a poɔ meŋɛ a wɛle a nyɔvore neŋ a vooroŋ, a toɔ̃ wɛle kɔbɔ naŋ maŋ tɔnne taa neŋ a kɔbɔ poɔ kãã, o maŋ lɛ toɔ̃ baŋ la teɛroŋ ane sukyiri poɔ yɛlɛ. 14 Azuŋ, te naŋ taa ŋmenpuore wedeɛrekpoŋ naŋ e tegroŋ naŋ do gaa sazu na, ona la a Naaŋmen Bidɔɔ Yezu, yɛ vɛŋ ka te moɔ̃ niŋe a manna o yɛlɛ korɔ noba. 15 A ŋmenpuore wedeɛrekpoŋ na te naŋ taa na ba e neɛ naŋ koŋ baŋ moore ko te te bambaaloŋ poɔŋ, kyɛ o eɛ neɛ naŋ tuore pigrinyɛ boorɔ zaa aŋa lɛ te meŋ naŋ tuoraa na, kyɛ faaloŋ zaa kye o eŋɛŋ. 16 Azuŋ, yɛ vɛŋ ka te gaa o nakogi naŋ terɛ nimimaaroŋ te naŋ ba seŋ neŋ na nimitɔɔre, a de nyaa yele yɛlɛ koroo, ka lɛ vɛŋ ka te nyɛ nembaalonzoe, a kyɛ lɛ nyɛ nimimaaroŋ naŋ na baŋ soŋ te wagre naŋ seŋ neŋ poɔŋ.