KRISTABIIRI ZEMMO YƐLƐ
Baŋ Peɛlaaŋ Ka Jehoova Taa La Yelmeŋɛ Nɔmmo Ko Bo
Ho e la nanee yaga zaa ko Jehoova. (Ai 43:4) A lɛ zuŋ oŋ yuo sori ko bo hoŋ wa bamoo ane o lantaapuoruu na. Hoŋ de ho meŋɛ ko Jehoova a de suobu na zuŋ, ho wa leɛ la Jehoova soobu. Jehoova na kaa la ho zu velaa zaa bonso ho e la nanee ko o yaga zaa, haali ka hooŋ tuoro yelkpeɛne gba. O na tu la o lantaapuoruu na seŋ, a kyɛ wuli yelmeŋɛ nɔmmo ko bo.—Ym 25:10.
Ka teneeŋ leɛteɛre lɛ Jehoova lantaapuoruu naŋ maŋ de sommo ko te yɔɔmine naŋ tuoro yelkpeɛne beraayi ŋa poɔŋ na, a maŋ vɛmeŋ teŋ taa nimipa ko Jehoova yelmeŋɛ nɔmmo na.
KAA A VIDIO ŊA, 2019 DUORO NAŊ YI A KODINETARE KOMITII ZIE, KYƐ PÃÃ IRI A SOOREBIE ŊA NƆƐ:
Bo sommo la ka a Kodinetare Komitii de ko a bɛɛtil toma ziiri naŋ be a donɛɛ lombori zaa a kyaare lɛ baŋ seŋ ka ba e saammo bɛrɛ waabo saŋa?
Sobuo ka Jehoova lantaapuoruu na da de sowuli ane sommo ko te yɔɔmine naŋ be Indonesia ane Nigeria saŋa na baŋ wa tuoro saammo bɛrɛ ane yelkpeɛne na?
Bo yɛlɛ ka Jehoova lantaapuoruu na e a COVID-19 baaloŋ faa ŋa saŋa, aŋ tɔ ho sukyiri yaga zaa?