Baapaalba​—Yɛ Vɛŋ Ka Yɛ Dɔgreba Baŋ Yɛlɛ Naŋ Be Yɛ Sukyieŋ

Bonso aŋ fɛre ka ho vɛŋ ka ho dɔgreba baŋ yɛlɛ hoŋ teɛrɛ? (Ye 23:26) A ananso la ka, Jehoova de la ferebo toma eŋ ho dɔgreba nuureŋ ka ba kaara bo a kyɛ wulo bo meŋ. (Ym 127:3, 4) A na eɛ kpeɛŋaa ka ba soŋ bo ka hooŋ ba yel yɛlɛ naŋ dɔnnɔ bo a ko ba. Ka ho neŋ ho dɔgrebaŋ ba dire dama meŋ, ho koŋ nyɛ tɔnɔ zaa yi ba zemmo yɛlɛ poɔŋ. Ka lɛ ka hooŋ taa yelkaŋa a ba boɔrɔ ka ho mannaa ko neɛzaa a e la faa bee? Ai, a ba e faa. Kyɛ, a ba seŋ ka ho bɛnle ho dɔgreba ka ba sage yelkaŋa naŋ ba e yelmeŋɛ a di.​—Ye 3:32.

Sobuo hoŋ na toɔ̃ tu ka ho neŋ ho dɔgreba di dama? Bɔ wagre naŋ seŋ neŋ a ko hooŋ ane ho dɔgreba. Ka hooŋ ba nyɛrɛ wagre, ho na baŋ sɛgɛɛ lɛtɛ ko ho dɔgreba, a manne yelzaa naŋ ferebo a ko ba. Wala hoŋ na e ka ba naŋ boɔrɔ ka yɛ di dama a kyaare yelkaŋa hoŋ ba boɔrɔ? Baŋ ka, ba boɔrɔŋ ka ba soŋ bo. Ho dɔgreba e la ho sonneba, ba ba e ho dɔndɔnne. Ka hooŋ mɔɔ ho mɔɔbo zaa a yuo ho sukyiri ka ho neŋ ho dɔgreba maŋ dire dama, a na soŋ boŋ ho nyɔvore zemmo zaa poɔŋ. Ho na nyɛ la nyɔvore naŋ ba taa baaraa!​—Ye 4:10-12.

KAA A VIDIO ŊA, N BAAPAALOŊ SAŊA ZEMMO YƐLƐ​—SOBUO MAŊ NA TOƆ̃ TU KA N NEŊ N DƆGREBA DI DAMA?, KYƐ PÃÃ IRI A SOOREBIE ŊA NƆƐ:

• 

  Saŋa na Esther ane Partik naŋ da peɛre ba menne soŋ na, bo yɛlɛ baŋ da wa nyɛ?

• 

  Bo yɛlɛ hoŋ na baŋ zanne yi Yezu ewuli soŋ na poɔŋ?

• 

  Bo yɛlɛ ka ho dɔgreba e a wuli ka ba sereŋ taa la ho yɛlɛ?

• 

  Bo Baabole sowuli la na toɔ̃ soŋ bo ka ho ne ho dɔgreba dire dama?