Maŋ Nare Ho Meŋɛ Sɛre Kyɛ Zanna Boma

Ka teneeŋ wa zanna a Baabole, te maŋ boɔrɔŋ ka Jehoova yelbie na tɔ te sukyie, ka lɛ vɛŋ ka te leɛre te eebo. Eezira da eɛ ewuli soŋ yaga zaa a yɛlɛ ŋa poɔŋ. Sɛre oŋ na zanne Naaŋmen Yelbiri na, o da maŋ ‘narɛɛ o sukyiri ka o bɔ Jehoova Bege na.’ (Eez. 7:10) Wala teŋ meŋ na toɔ̃ e a de nare te sukyie?

Maŋ puore sɔre. Maŋ puore sɔre Jehoova sɛre kyɛ piili zanna a boma. Puore sɔre Jehoova ka o soŋ bo ka ho woŋ yɛlɛ na hoŋ waana ka ho zanne na muni soŋ, ka lɛ vɛŋ ka ho toɔ̃ de a tonɔ neŋ toma ho zemmo poɔŋ.—Yiem. 119:18, 34.

Sigri ho meŋɛ. Ka neɛŋ wa zɛgrɛ o meŋɛ, a teɛre ka o na baŋ de la o meŋɛ bammo woŋ a Baabole muni, Naaŋmen maŋ de la a yelmeŋɛ sɔgle o soba. (Luk. 10:21) Kaara soŋ, ta zanna boma ho naŋ boɔrɔ ka ho wuli ho taaba ka ho meŋ baŋɛɛŋ. Ka hooŋ wa nyɛ ka ho taaɛ teɛroŋ mine neŋ Naaŋmen teɛroŋ naŋ ba kyaare taa, yi sigrimennoŋ poɔŋ a leɛre ho teɛroŋ na.

Ho na baŋ kyɛllɛɛ te Puoruu yiele na kaŋa. Yieloŋ na baŋ soŋ teŋ ka te nare te sukyie a de puoruu ko Jehoova. Azuŋ, ka hooŋ waana ka ho zanne boma a daŋ de weɛ a kyɛlle te Puoruu yiele na kaŋa, a na soŋ boŋ ka ho nare ho sukyiri ko a zannoo.