Yɛlɛ Naŋ Seŋ Ka Noba Naŋ Wa A Lammo Baŋ

SONNEBA A sonneba bebeŋ ka ba soŋ bo. Sɔrebo la, ka ba naŋ wa wulo bo zie naŋ seŋ ka ho biŋ ho lɔɔre, ane zie naŋ seŋ ka ho tu, zenziiri yɛlɛ, ane a yɛlɛ ŋa mine taa, kyɛlle woŋ ba yɛlɛ na.

SUOBU DEEBO Ba na barɛɛ zenziiri a nimitɔɔreŋ ko bana naŋ na de suobu na, ka lɛ naane ba na terɛɛ duoro. Bana na zaa naŋ na de suobu na seŋ ka ba wa zeŋ be beguo saŋa Asibiti Daare sɛre kyɛ ka a suobu deebo yelyaga piili. Ba kaŋa zaa seŋ ka o taa bɔɔdowaa ane koɔ̃ bonsuurii naŋ seŋ neŋ waneŋ.

LIBIYƐLƐ Ba ŋmeɛ sama yaga kyɛ bɔ a lammozie, boma naŋ vɛŋ ka yelyaga yire, vidio boma, ane yɛlɛ yaga baŋ e a vɛŋ ka a lammozie noma kyɛ soŋ te ka te toɔ̃ tage peɛle Jehoova. Libie na hoŋ maŋ yi ho sukyiriŋ a ire terɛ na maŋ soŋeŋ teŋ yɔɔ a sama ŋa, a sonnɔ a donɛɛ zaa naaŋ moɔloo toma na meŋ. Te naŋ boɔrɔ ka yɛlɛ e mɔlɔ ko bo na zuŋ, te de la libie dagre biŋ a lammo lombori ziiri zaa. Ka hooŋ gaa donate.jw.org intanɛt zu tomazie na, ho na baŋ iree libie tere. Libiri zaa ho naŋ na toɔ̃ iri tere na paalɛɛ te niŋe. A Lantaa Zukaareba boɔrɔŋ ka ba puori bo bareka neŋ lɛ hoŋ maŋ yi ho poɔ zaa ire libie sonnɔ a Naaloŋ toma na.

LAAFEELOŊ ZIE Sɔrebo la, aseŋ ka ho baŋ ka nimizibaaloŋ yoŋ baŋ kaara beŋ.

ZIE BA NAŊ KAARA BOMA NAŊ BƆRE Ka hooŋ nyɛ bonkaŋa naŋ bɔre, aseŋ ka ho de o gaaneŋ Zie Ba Naŋ Kaara Boma Naŋ Bɔre. Ka ho bonkaŋaŋ wa bɔre, gaa a zie ŋa a te nyɛ ka a bon be la beŋ bee. Aseŋ ka ho nyɔge bibiiri naŋ bɔre yi ba dɔgreba seŋ gaaneŋ be. Kyɛ sɔrebo la, te naŋ ba boɔrɔ ka te de toɔrɔ dɔgle neɛ kaŋa na zuŋ, mɔɔ kyɛ kaara ho bibiiri zu soŋ a kyɛ vɛŋ ka ba maŋ peɛle bo.

ZENZIIRI Sɔrebo la, maŋ teɛrɛ ho taaba yɛlɛ. Baŋ ka, ho na baŋ deɛ zie biŋ ko ho yideme, bee bana na ho ne ba naŋ laŋ kpɛ lɔɔre wa, noba ho ne ba naŋ laŋ kpeɛrɛ, kyɛbee ho Baabole zannezanneba yoŋ. Sɔrebo la, ka hooŋ ba iri kogi biŋ ko neɛ kaŋa, lɛ yɛŋ ta wa derɛ boma dɔglɔ a kogi kaŋa zaa zuŋ.

TOMA SOMMO ZIE Sɔrebo la, ka hooŋ wa boɔrɔ ka ho soŋ toŋ toma naŋ be a lammozieŋ, de ho yuori te ko a Duoro Ane Toma Sommo Zie deme.