Maŋ Wuli Ka Ho Boɔrɛɛ Noba Yɛlɛ

Lɛ Yezu Naŋ Da E

VIDIO: Yezu Neŋ A Samareya Teŋɛ Pɔge Na

1. Kaa a VIDIO, kyɛbee kanne Gyɔɔn 4:​6-9, a kyɛ pãã gyieli a soorebie naŋ tu na yɛlɛ:

1. Bo yɛlɛ ka Yezu daŋ de weɛ a kaa nyɛ a pɔge eŋɛŋ sɛre kyɛ piili o dama diibu na?

2. Yezu da piilee a dama diibu ka: “Ko ma koɔ̃ ka N nyu.” Bonso teŋ na baŋ yelka sori na oŋ tu kyɛ piili a dama diibu na somaŋ yaga zaa?

Bo Yɛlɛ Teŋ Na Baŋ Zanne Yi Yezu Zie?

2. Ka teneeŋ maŋ de noba yelfɛree piili neŋ te dama diibu na, lɛ na vɛmeŋ ka a dama diibu kyɛŋ soŋ zaa.

Tɔglɔ Yezu

3. Maŋ leɛrɛ ho dama diibu soe. Ta maŋ de yelzu na ho naŋ de nare ho meŋɛ na piili neŋ a dama diibu wagre zaa. Ho na baŋ de la yɛlɛ na noba naŋ teɛrɛ a yɛlɛ ana bebiri na piili neŋ a dama diibu. Soore ho meŋɛ ka:

1. ‘Bo yɛlɛ baŋ moɔlɔ duorisaamma poɔŋ?’

2. Bo yɛlɛ ka noba naŋ be N gbandige na poɔŋ, N tontoŋtaaba, kyɛbee N sakuubitaaba yele a yɛlɛ?’

4. Vɛŋ ka ho nimiri gaŋ, ka ho kaara yɛlɛ soŋ. Soore ho meŋɛ ka:

1. a. ‘Bo yɛlɛ ka o soba erɛ ana saŋa na? Bo yɛlɛ mine la ka o soba na baŋ teɛrɛ a yɛlɛ?’

2. b. ‘Bo ka o soba bonsuurii, lɛ o naŋ waa kyɛbee lɛ o die naŋ waa wulo ma a kyaare yɛlɛ o naŋ sagedi ane zie o naŋ yi?’

3. d. ‘A wagre ŋa eɛ wagre soŋ ka N neŋ o soba di dama bee?’

5. Maŋ kyɛllɛ wono yɛlɛ soŋ.

1. Ta maŋ yele yɛlɛ yaga.

2. Soŋ o soba ka o yeli yɛlɛ naŋ be o teɛroŋ poɔŋ ko bo. Ho na baŋ de la soorebie toŋ neŋ toma sori naŋ seŋ neŋ poɔŋ.