Sukyirikpagu

Lɛ Yezu Naŋ Da E

VIDIO: Yezu Moɔlɛɛ A Duorisoŋ Ko Zakiyo

1. Kaa a VIDIO, kyɛbee kanne Luka 19:​1-7, a kyɛ pãã gyieli a soorebie naŋ tu na yɛlɛ:

1. Bonso teŋ na baŋ yelka noba mine da ba boɔrɔ Zakiyo yɛlɛ?

2. Bonso ka Yezu da moɔle a duorisoŋ ko Zakiyo?

Bo Yɛlɛ Teŋ Na Baŋ Zanne Yi Yezu Zie?

2. Aseŋ ka te maŋ de sukyirikpagu a moɔlɔ a Naaloŋ duorisoŋ korɔ neɛzaa, a ba seŋ ka te wɛlɛ noba mine bara.

Tɔglɔ Yezu

3. Dɛle Jehoova. Naaŋmen vooroŋ soŋ la da eŋ Yezu faŋa oŋ moɔlɔ a duorisoŋ, a vooroŋ soŋ na baŋ eŋɛɛ ho meŋ faŋa. (Mat. 10:​19, 20; Luk. 4:18) Ka noba mine yɛlɛŋ wa erɛ bo dabeɛ̃ ka ho moɔle a duorisoŋ ko ba, puore sɔre Jehoova ka o soŋ bo.—Tom. 4:29.

4. Ta wa teɛrɛ ka, ‘Neɛ ŋa yɛŋ koŋ kyɛlle woŋ N duoro ŋa.’ Noba mine bebeŋ ka teneeŋ kaa ba waaloŋ, zemmo yɛlɛ, arezie ba naŋ taa, puoruu poɔ ba naŋ be, ane ba libi yɛlɛ, te koŋ boɔrɔ ka te moɔle a duorisoŋ ko ba. Kyɛ aseŋ ka ho teɛre ka:

1. Jehoova ane Yezu baŋɛɛ yɛlɛ naŋ be noba sukyieŋ; kyɛ tenee yɛŋ ba baŋ.

2. Lɛ zaa neɛ kaŋa naŋ waa, kyɛ Jehoova na baŋ soŋ la o soba.

5. Aseŋ ka te taa sukyirikpagu, kyɛ aseŋ ka te kaara te yelyaga zieŋ soŋ. (Mat. 10:16) Ta wa vɛnɛ ka ho neŋ o soba ŋmeɛrɛ nɔkpeɛne. Ka o sobaŋ ba boɔrɔ ka o kyɛlle woŋ a duorisoŋ, kyɛbee ka hooŋ nyɛ ka a dama diibu na baŋ de la yɛlɛ naŋ ba seŋ neŋ waneŋ, tu gyeremɛ soriŋ kyɛ ŋmaa a dama diibu.​—Yeng. 17:14.