KRISTABIIRI ZEMMO YƐLƐ
Taa Pɔgenyaŋne Aŋa Ho Mamine Ane A Pɔgsarre Aŋa Ho Yɔɔpuuli
A Baabole yelka te maŋ de te Kristabitaaba naŋ e nenyaŋne aŋa te mamine ane te saamine, a kyɛ lɛ de a baapaalba aŋa te yɔɔmine. (Kanne 1 Timoti 5:1, 2.) Aseŋ ka te yɔɔdɔba maŋ taa emmo ane gyeremɛ korɔ te yɔɔpɔgeba na.
A ba seŋ ka te yɔɔdɔɔ kaŋa deɛnɛ neŋ te yɔɔpɔge kaŋa sori naŋ ba seŋ poɔŋ, ka lɛ vɛŋ ka te yɔɔpɔge na poɔ sãã. (Joob 31:1) A ba seŋ ka te yɔɔdɔɔ kaŋa naŋ ba de pɔge erɛ o yɛlɛ ka lɛ vɛŋ ka te yɔɔpɔge kaŋa teɛre ka o boɔrɔŋ ka o ne o tutaa saŋa na te yɔɔdɔɔ na naŋ ba e siri ko e lɛ.
A lantaapuoruu nembɛrɛ seŋ ka ba taa nyonono ko te yɔɔpɔgeba naŋ maŋ yi gyeremɛ poɔŋ a soore soorebiri kaŋa bee a wuli ba yelkaŋa naŋ seŋ ka ba leɛ kaa soŋ. A lantaapuoruu nembɛrɛ seŋ ka ba lɛ taa nyonono ko te yɔɔpɔgeba naŋ ba taa sereba naŋ na sonnɔ ba.—Ru 2:8, 9.
KAA A VIDIO ŊA, WULLO NƆMMO NAŊ KOŊ BAŊ BAARE A LANTAAPUORUU POƆŊ—A KORƆ PƆG-KƆBA ANE BIKPEERE, KYƐ PÃÃ IRI A SOOREBIE NƆƐ:
Sobuo ka a lantaapuoruu wuli nɔmmo meŋɛ ko te Yɔɔpɔge Myint?
Sobuo ka nɔmmo na a lantaapuoruu naŋ da wuli ko te yɔɔpɔge ŋa na da e sieree naŋ soma ko a yiri noba?
Sobuo ka nɔmmo na a lantaapuoruu naŋ da wuli na da eŋ te Yɔɔpɔge Myint pɔgeyaare na faŋa?
Bo yɛlɛ mine hoŋ na toɔ̃ e a wuli ka ho nɔnɔ la te yɔɔpɔgeba naŋ be a lantaapuoruu poɔŋ na?