De A Nyɛ Zeŋ Laafeɛ Tegitegilɛ! Gama Na Tonɔ Neŋ Toma A Naaŋ Moɔloo Poɔŋ

Te poore zaaŋ pɛle te naŋ nyɛ gampaala teŋ na toɔ̃ de wulo noba a Baabole! Te puoro sɔrɔŋ ka Jehoova maale te moɔbo na te naŋ mɔɔrɔ ka te soŋ noba ka ba wa leɛ Yezu potuuribo na. (Mt 28:18-20; 1Ko 3:6-9) Kyɛ sobuo teŋ na baŋ de a gampaala ŋa tonɔ ne toma?

A Nyɛ Zeŋ Laafeɛ Tegitegilɛ!, lɛ a Baabole zannoo naŋ na toɔ̃ soŋ bo, gane na wulo teŋ so paalaa kaŋa teŋ na toɔ̃ tu a wulo noba, ka hooŋ wa sɛgrɛ ho meŋɛ bee ka ho neŋ neɛŋ wa zanna ho na toɔ̃ tu la a sowuli ŋa.a

• Yɛ kanne a zannoo yɛlɛ na, a kyɛ pãã gyiele a soorebie yɛlɛ soŋ

• Kanne a sɛgre na zaa ba naŋ maŋ sɛge eŋ ka “kanne” na, a kyɛ soŋ a zannezanna ka o nyɛ lɛ oŋ na toɔ̃ de a toŋ neŋ toma

• Yɛ kaa a vidiori, a kyɛ de soorebie naŋ bebe na gyiele a vidiori poɔ yɛlɛ

• Ka yɛ naŋ wa zeŋ ka yɛ zanne, yɛ mɔɔ kyɛ baare a zannoo yelzu na yɛ naŋ zanna na

Ka hooŋ wa pɔge neɛ kaŋa a naaŋ moɔloo poɔŋ, daŋ ko o soba a gambile a nyɛ lɛ o naŋ boɔrɔ a yɛlɛ seŋ. (Kaa a daga yelzu naŋ la “Lɛ Hoŋ Na Toɔ̃ De A Nyɛ Zeŋ Laafeɛ Tegitegilɛ! Gambile Na Ko Neɛ Kaŋa A Piilee Dama Diibu Saŋa.”) Ka yɛ naŋ zanne a gambile ŋa baare, ka a sobaŋ boɔrɔ ka yɛ tɔnne a zannoo, de a gane ko o ka yɛ piili o zannoo zuri anaare na zanna gɛrɛ. Ka ho neŋ neɛ kaŋaŋ zanna te gama na kaŋa zaa, yɛ na baŋ leɛ piili zannɛɛ a Nyɛ Zeŋ Laafeɛ Tegitegilɛ! gane na. Hooŋ na iri zie yɛŋ na piili zanna.

KAA A VIDIO ŊA, HO WAAYAANE A WA HO BAABOLE ZANNOO NA, KYƐ PÃÃ IRI A SOOREBIE ŊA NƆƐ:

• Bo yɛlɛ ka Baabole zannezanneba na zanne yi a gampaalaa ŋa poɔŋ?

• Ka hooŋ nyɛ neŋ paalaa kaŋa naŋ boɔrɔ ka o zanne a Baabole, bonso aŋ seŋ ka ho iri a vidio ŋa wuluu?

• Bo yɛlɛ la aŋ seŋ ka ho eŋ ho Baabole zannezanna faŋa ka o de biŋ o nimitɔɔreŋ a mɔɔrɔ ka o ta?—Kaa a daga ŋa “Yɛlɛ Hoŋ Na Zanne Ane Yɛlɛ N Naŋ Na E Ziiri Naŋ Be A Gane Ŋa Poɔŋ Na”