BAABOLE POƆ YELNIMIZEERE

De Ho Sukyiri Zaa Tuuro Jehoova

Kee-leb daaŋ tu la Jehoova neŋ o sukyiri zaa o nyɔvore zemmo zaa poɔŋ (Js 14:7, 8)

A puoriŋ Kee-leb da lɛ dɛlɛɛ Jehoova ka o na somooŋ ka o toŋ tonkpeɛŋaa kaŋa (Js 14:10-12; mwbr21.09 8 wɛl. 3)

Jehoova da ko la Kee-leb maaloo o naŋ de o sukyiri zaa puoro o na zuŋ (Js 14:13, 14; mwbr21.09 8 wɛl. 4)

Collage: Te yɔɔpɔge kaŋa naŋ taa sagediibu la naŋ mɔɔrɔ o mɔɔbo zaa aneazaa ka o yuomo gaa la nimitɔɔre. 1. O ti la o daŋkpali a kyɛ zeŋ puoro. 2. O neŋ te yɔɔpɔge naŋ e baapaalaa kaŋa la tonɔ gyamaa poɔ naaŋ moɔloo toma. 3. Fotori mine la oŋ de wulo bibiiri mine naŋ be o lantaapuoruu na poɔŋ. 4. O poɔ pɛlɛɛŋ oŋ munnɔ laare.

Kee-leb naŋ da tuuro Jehoova sowuli na da vɛŋɛɛŋ ka o sagediibu maaleŋ e kpeɛŋaa. Jehoova meŋ da ko oŋ maaloo yaga zaa. Ka teneeŋ wa nyɛ lɛ Jehoova naŋ maŋ iri te puoro nɔɛ a kyɛ nyɛrɛ lɛ o naŋ wulo te sori te zemmo poɔŋ na, a maŋ eŋ teŋ faŋa, a vɛŋ teŋ maaleŋ tonɔ tonkpeɛne o puoruu poɔŋ.—1Gyn 5:14, 15.